فينليانديا – تازا ەنەرگيا ەلى
فيندەر الەمدەگى «ەڭ جاسىل» ءبىزدىڭ مەملەكەت دەي وتىرىپ, كورمەگە «فينليانديا – تازا ەنەرگيا» ۇرانىمەن قاتىسادى.
شىنىمەن دە, پاۆيلوننىڭ ۇرانى كورمەنىڭ تاقىرىبىنا ۇندەس. فين پاۆيلونىن تۇرعىزۋ ءۇشىن قۇرىلىس ماتەريالى رەتىندە 600 توننا قاراعاي اعاشى پايدالانىلدى. قابىرعالار ارنايى بوياۋمەن سىرلانىپ, جاسىل مۇكپەن كومكەرىلگەن. ال, ءبىزدىڭ بىلۋىمىزشە, مۇك اۋانى تازارتىپ, ونى وتتەگىمەن قانىقتىرادى. پاۆيلوننىڭ 300 بولىگىن قۇراستىرۋ ءۇشىن قازاقستاندىق جۇمىسشىلار اتسالىستى.
مەملەكەتتىڭ جاسىل تەحنولوگيا سالاسىنداعى جەتىستىكتەرى از ەمەس. فينليانديا – جاڭعىرمالى ەنەرگيا كوزدەرىن تەحنولوگيا سالاسىندا پايدالاناتىن ۇزدىكتەردىڭ ۇزدىگى. ەنەرگوتيىمدىلىك پەن تۇراقتىلىقتى كورسەتۋگە نيەتتى فيندەرگە ەلدىڭ 70 كومپانياسى كومەكتەستى. پاۆيلون «تازا ەنەرگيا», «تازا سۋ», «اقىلدى قالا» جانە «بىلىكتى ءبىلىم بەرۋ» دەپ اتالاتىن ءتورت اۋماققا بولىنگەن. ءاربىر اۋماق ەڭ وزىق تەحنولوگيالارمەن جابدىقتالعان.
كورمەگە «اقىلدى قالا» اتاعىنا يە فينلياندياداعى وۋلۋ قالاسى ۇزدىك جوبالارىن ارقالاپ كەلدى.
18 ماۋسىم كۇنى ساعات 20:00-دە قالالىق اكىمدىك عيماراتىنىڭ الدىندا قازاقستان جانە فين جۇلدىزدارىنىڭ قاتىسۋىمەن كونتسەرت وتەدى. ولاردىڭ قاتارىندا Venior, Magicon جانە Joni Pakanen-ءدى ەرەكشە اتاپ وتۋگە بولادى. ال كەشتىڭ ەڭ قىزىق تۇسى دەپ كوزگە كورىنبەيتىن گيتارامەن ونەر كورسەتەتىن Nordic Thunder-ءدىڭ ساحناعا شىعۋى بولماق.
ونىڭ الدىندا حابارلاعانىمىزداي, پاۆيلوننىڭ قۇرمەتتى قوناعى, فينليانديا پرەزيدەنتى ساۋلي نينيستيو استاناعا 19-21 ماۋسىمدا كەلۋدى جوسپارلاپ وتىر.
گۇلدانا تالعاتقىزى