حالىقارالىق ايەلدەر كۇنى – 8 ناۋرىزدا «استانا ارەنا» ستاديونىندا وتكەن ماۋسىمنىڭ ۇزدىكتەرى – ەل چەمپيونى «استانا» مەن كۋبوك جەڭىمپازى «قايرات» كوماندالارى قازاقستان رەسپۋبليكاسىنىڭ سۋپەركۋبوگىن ساراپقا سالادى.
وسى ماتچ وتەتىن ۋاقىتتا ستاديونعا ماڭايلاس كوشەلەردە كولىك قوزعالىسى شەكتەلەدى.
ويىن ساعات 15:00-دە باستالادى. ساعات 13:00 قابانباي باتىر جانە تۇران داڭعىلدارى بويىندا كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىنگى بولىگىندە كولىك قوزعالىسى توقتاتىلادى. جولدار ماتچ سوڭىنا دەيىن جابىق بولادى. سوندىقتان اۋەجايعا باراتىن استانالىقتارعا جانە جاقىن ماڭداعى ەلدى مەكەندەردىڭ تۇرعىندارىنا اينالىپ ءوتۋ جولدارىن الدىن الا جوسپارلاۋدى ۇسىنادى. ەڭ ىڭعايلى جول – ورىنبور كوشەسى ارقىلى ءجۇرۋ.
ءداستۇر بويىنشا فۋتبول جانكۇيەرلەرى ۇشىن ارنايى ترانسپورت ۇيىمداستىرىلادى. اۆتوبۋستار جانكۇيەرلەردى بەس جەردەن الىپ كەتەدى: «قازاقستان» سپورت سارايىنىڭ جانىنداعى تۇراق, ق. مۇڭايتپاسوۆ اتىنداعى ستاديوننىڭ, «ازىرەت سۇلتان» جانە «نۇر استانا» مەشىتتەرىنىڭ جانىنداعى تۇراقتار, سونداي-اق, ەلوردالىق تسيرك جانىنداعى تۇراق.
استانا قالاسى ءىىد جەرگىلىكتى پوليتسيا قىزمەتى جانكۇيەرلەردەن بۇل كۇنى قوعامدىق كولىكتى پايدالانۋعا شاقىرادى.
astana-akshamy.kz
