سەنبى كۇنى گايتيدە بولعان جەر سىلكىنىسىنەن قۇربان بولعاندار سانى كۇرت ارتتى. قۇتقارۋشىلار كەلتىرگەن سوڭعى دەرەكتەرگە قاراعاندا, ءزىلزالا سالدارىنان 1300 ادام قۇربان بولىپ, 6 مىڭعا جۋىعى ءتۇرلى دارەجەدە جاراقات العان.
گايتيدىڭ قۇتقارۋ قىزمەتىنىڭ باسشىسى دجەرري چاندلەر وڭىردەگى اۋرۋحانالار جاراقات العان ادامدارعا تولى ەكەنىن حابارلادى. CNN تەلەارناسى اۋرۋحانادا ورىن جەتىسپەۋشىلىگى سالدارىنان مەديتسينا ماماندارىنا دالاعا شاتىر قۇرۋعا تۋرا كەلگەنىن حابارلادى. ءزىلزالانىڭ وشاعى پورت-و-پرەنسە قالاسىنان شامامەن 8 كم قاشىقتىقتا بولعان, جەر سىلكىنىسىنىڭ ماگنيتۋداسى 7,2. ءزىلزالانىڭ ءدۇمپۋى گايتيدىڭ ادامدار تىعىز قونىستانعان استاناسى پورت-و-پرەنسە (125 قاشىقتىقتا) مەن كورشىلەس ەلدەردە دە سەزىلگەن. قازىر وڭىردە جەر دۇمپۋلەرى قايتانالۋدا. پرەمەر انري اپات بولعان ايماقتى تىكۇشاقپەن شولىپ شىعىپ, ايماقتا 1 ايعا توتەنشە جاعداي جاريالادى. جەر سىلكىنگەن ايماقتا قۇتقارۋ جۇمىستارىنا تاعى ءبىر قاۋىپ كەدەرگى كەلتىرۋى مۇمكىن. مەتەورولوگتاردىڭ حابارلاۋىنشا, گايتي «گرەيس» داۋىلىنىڭ تراەكتورياسىندا تۇر. سول سەبەپتى دۇيسەنبى نەمەسە سەيسەنبى كۇندەرى بۇل ايماقتا وتە مول كولەمدە نوسەر جاۋىن جاۋىپ, سۋ تاسىپ, كوشكىن ءجۇرۋى مۇمكىن.
