دوستىق ۇيىندە العىس ايتۋ كۇنىنە وراي مەرەكەلىك شارا ءوتتى. وعان استانا قالاسى اكىمىنىڭ ورىنباسارى نۇرلان نۇركەنوۆ جانە پارلامەنت دەپۋتاتتارى, قازاقستان حالقى اسسامبلەياسىنىڭ وكىلدەرى قاتىستى.
كەشە بىلتىر عانا بوي كوتەرگەن دوستىق ءۇيى, شىن مانىندە, دوستىقتىڭ شات كۇلكىسى شالقىعان شاڭىراعىنا اينالدى. مەرەكەنى تويلاۋعا كەلگەن وزگە ەتنوس وكىلدەرى قيىن-قىستاۋ جىلدارى قامقورلىق كورسەتكەن قازاق حالقىنا ريزاشىلىقتارىن ءبىلدىردى. ەلوردا اكىمىنىڭ ورىنباسارى نۇرلان نۇركەنوۆ جينالعان قاۋىمدى العىس ايتۋ كۇنىمەن قۇتتىقتاپ, ىزگى لەبىزىن جەتكىزدى.
قالالىق قازاقستان حالقى اسسامبلەياسى كەڭەسىنىڭ توراعاسى ءامىرجان الپەيىسوۆ بۇگىنگى مەرەكەنىڭ تۇپكى مانىنە توقتالدى: «جالپى, العىس ايتۋ كۇنى دەپ وتىرعانىمىزبەن, شىنداپ كەلگەندە, بۇل كۇنى وزگە ەتنوس وكىلدەرى قازاق حالقىنا العىستارىن ايتادى. ويتكەنى حالقىمىز سوناۋ وتىزىنشى جىلدارداعى قۋعىن-سۇرگىن, ەكىنشى دۇنيەجۇزىلىك سوعىس ۋاقىتىندا بىزگە كەلگەن قانشاما ۇلت وكىلدەرىن قيىندىقتان ساقتاپ قالدى. سول كەزدەرى وزدەرى ەكى اشتىقتى, وتىزىنشى جىلداعى زۇلماتتى, ودان كەيىنگى قاندى قىرعىندى باسىنان كەشىپ وتىرسا دا, باسقا جاقتان كەلگەن وتباسىلارمەن بارىمەن ءبولىسىپ, جاناشىرلىق كورسەتتى» دەدى ول.
شارا اياسىندا ءتۇرلى ەتنوس وكىلدەرىنىڭ ۇلتتىق تاعامدار مەن قولدانبالى ونەر قايىرىمدىلىق جارمەڭكەسى ۇيىمداستىرىلدى. بۇدان تۇسكەن قارجى قاراعاندىدا ءۇيدىڭ قۇلاۋىنان زارداپ شەككەن سەگىز وتباسىعا باسپانا سالىپ بەرۋ ءۇشىن «اسىل ادام» قوعامدىق قورىنا تاپسىرىلدى. مەرەكە سوڭى «قازاقستان – ءبىزدىڭ ورتاق ءۇيىمىز» اتتى كونتسەرتتىك باعدارلاماعا ۇلاستى.
