ەلوردادا 2021 جىلعى حالىق ساناعى اياسىندا ينتەرۆيۋەرلەردىڭ ۇيلەردى جاپپاي ارالاۋى جالعاسۋدا. بۇل جۇمىس وسى جىلدىڭ 30 قازانىنا دەيىن جۇرگىزىلەدى. سۇحبات بەرۋشىلەردىڭ كوپشىلىگى حالىق ساناعى مەملەكەتتىك ماڭىزدى ءىس ەكەنىن ايتادى. حالىق ساناعى بويىنشا نۇر-سۇلتاندا بارلىعى 1500-گە جۋىق ينتەرۆيۋەرەسەپتەۋىش جۇمىس ىستەيدى.
– سارىارقا اۋدانىندا حالىق ساناعىن وتكىزەمىن. ءوزىمنىڭ شىنىمەن سۇحبات الۋشى ەكەندىگىمە كوز جەتكىزۋ ءۇشىن تۇرعىندار ءتيىستى تولقۇجاتىمدى, sanaq.kz سايتىندا تەكسەرۋگە بولاتىن كودتى سۇرايدى, – دەدى ەلوردالىق ينتەرۆيۋەر تىنابەك امانباەۆ.
زەينەتكەر رايسا كونوۆالوۆا ءاربىر ازامات سەنىمدى دەرەكتىڭ ءبارىن ۇسىنۋى كەرەك دەپ سانايدى: «حالىق ساناعى – مىندەتتى. بۇل – قازاقستانداعى ءۇشىنشى حالىق ساناعى, ءبىراز ۋاقىت ءوتتى, ەكونوميكادا كوپتەگەن وزگەرىستەر بولدى, دەموگرافيالىق جاعداي مۇلدەم باسقاشا قالىپتاستى. كىم ءومىر سۇرەتىنىن, قانشا ادام بار ەكەنىمىزدى, قايدا جۇمىس ىستەيتىنىمىزدى, قانداي جاعدايدا ءومىر سۇرەتىنىمىزدى ءبىلۋ كەرەك. ساناق ناتيجەلەرى تۇرعىن ءۇي قۇرىلىسىن جاقسارتۋ جانە كەڭەيتۋ جونىندەگى قانداي دا ءبىر مەملەكەتتىك باعدارلامالاردى ىسكە اسىرۋ قاجەتتىگىن كورسەتەتىنىنە سەنىمدىمىن. سونداي-اق ەڭبەككە قابىلەتتى حالىقتىڭ سانىن تىركەيدى, بۇل بىزدە جۇمىس ورىندارىنىڭ جەتكىلىكتى ەكەنىن كورسەتەدى. سوندىقتان قازىر حالىق ساناعى مىندەتتى دەپ ەسەپتەيمىن».
ەستەرىڭىزگە سالا كەتەيىك, ونلاين رەجيمدە ساناقتان وتكەندەر سۇحبات الۋشىلارعا SMS-حابارلامانى نەمەسە ساناقتان وتكەنى تۋرالى ەلەكتروندىق حابارلامانى كورسەتۋى قاجەت. بارلىق قايتا جازىلعان رەسپوندەنتتەرگە ءۇي-ءۇيدى ارالاۋ كەزىندە ينتەرۆيۋەرلەر ساناقتان وتكەنى تۋرالى انىقتامالار بەرەدى, ولاردى ءىس-شارالار اياقتالعانعا دەيىن ساقتاۋ قاجەت. بۇعان قوسا, قامتىلعان حالىقتى جانە دەرەكتەردىڭ دۇرىستىعىن تەكسەرۋ ماقساتىندا 2021 جىلعى 1-7 قاراشا ارالىعىندا رەسپوندەنتتەردى باقىلاۋ ماقساتىندا تەكسەرۋ جۇرگىزىلەدى. ساناق كەزىندە جينالعان بارلىق دەرەكتىڭ قۇپيالىلىعىنا كەپىلدىك بەرىلەدى جانە تەك جالپىلانعان تۇردە قولدانىلادى. ۇلتتىق حالىق ساناعىن وتكىزۋ كەزەڭىندە 1446 بىرىڭعاي call-ورتالىعى جۇمىس ىستەيدى, قوڭىراۋلار تەگىن.
