پرەمەر-مينيستر اسقار مامين مەملەكەت باسشىسى قاسىم-جومارت توقاەۆقا بيىلعى 1 قىركۇيەك پەن 30 قازان ارالىعىندا جۇرگىزىلگەن ۇلتتىق حالىق ساناعىنىڭ العاشقى ناتيجەلەرى تۋرالى باياندادى.
[smartslider3 slider=1317]
ۇكىمەت باسشىسىنىڭ مالىمەتى بويىنشا, قازاقستاندىقتاردىڭ جالپى سانى – 19 169 550 ادام. وتانداستارىمىزدىڭ 48,71 پايىزى – ەرلەر, 51,29 پايىزى – ايەلدەر. قازاقستان حالقىنىڭ ورتا جاسى 31,94 جاس دەپ كورسەتىلگەن. جالپى حالىقتىڭ 33,97 پايىزى – 17 جاسقا دەيىنگى بالالار, 19,72 پايىزى – 14-28 جاس ارالىعىنداعى جاستار. ەلىمىزدەگى قازاقتاردىڭ ۇلەسى 70,18 پايىزعا جەتكەن. حالىقتىڭ 59,05 پايىزى, ياعني 11 320 410 ادام ەڭبەككە جارامدى دەپ تانىلعان.
