«ينتەرناتسيونالنىي» ينفراقۇرىلىمى – نازاردا
![](https://astana-akshamy.kz/wp-content/uploads/2021/10/248181901_4558537750852227_3080594999666500750_n-1.jpg)
الماتى اۋدانىنىڭ اكىمى ەرلان بەكمىرزاەۆ تۇرعىن الاپتارداعى اۋقىمدى ينفراسترۋكتۋرالىق جوبالاردىڭ ورىندالۋ بارىسىن تەكسەردى.
ونىڭ ايتۋىنشا, «ينتەرناتسيونالنىي» تۇرعىن الابىنداعى 3 كوشەدە ينجەنەرلىك جەلىلەر (نوسەر كارىزى, شارۋاشىلىق-تۇرمىستىق كارىز, سۋمەن قامتۋ جۇيەسى), جول قۇرىلىسى جۇمىسى ءجۇرىپ جاتىر. سۇتكەنت كوشەسىندەگى 30, 30/1 ۇيلەردىڭ ماڭايىندا جىلۋ جۇيەسىن جۇرگىزۋ جۇمىسى اياقتالدى.
سونداي-اق اۋدان باسشىسى تۇرعىن ۇيلەردىڭ اۋماقتارىن, ساياباقتار مەن قوعامدىق كەڭىستىكتەردى ارالادى. اۋداننىڭ سانيتارلىق جاي-كۇيىن, جارىقپەن قامتىلۋىن نازارعا الدى. ايالداما پاۆيلوندارى دا تەكسەرىلدى.
ارالاۋ بارىسىندا بىرقاتار تاپسىرمالار بەرىلدى. اتاپ ايتقاندا, ا. بولەكباەۆ كوشەسىن جارىقتاندىرۋ جۇمىسىن تەز ارادا اياقتاۋ; كۇيشى دينا, 7, ابىلاي حان داڭعىلى, 49, 49/1, جيرەنتاەۆ, 2 مەكەنجايلارىندا اياقتالعان نىساندار بويىنشا كىشى ساۋلەت كەشەندەرىن جونگە كەلتىرۋ; بۋراباي كوشەسىندەگى ايالدامانى جانە ش.قۇدايبەردى داڭعىلىنداعى فۋتبول الاڭىنا جوندەۋ-قالپىنا كەلتىرۋ جۇرگىزۋ; تاۋەلسىزدىك داڭعىلىن, ي. پانفيلوۆ كوشەسىن ەسىل وزەنىنە دەيىن سانيتارلىق تازالاۋ جۇمىسىن كۇشەيتۋ; وقۋشىلار سارايىنا دەيىنگى جولداعى بۇزىلعان تاس توسەنىشتەرىن قالپىنا كەلتىرۋ.