2021 جىلدىڭ 11 ايىنىڭ قورىتىندىسى بويىنشا باس قالاداعى ينۆەستيتسيالار جانە كاسىپكەرلىكتى دامىتۋ باسقارماسىنىڭ نەگىزگى كورسەتكىشتەرى 1 ترلن تەڭگەدەن استى.
نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتتەرى بويىنشا نەگىزگى كاپيتالعا سالىنعان ينۆەستيتسيالار كولەمى 5,8 پايىزعا ءوسىپ, 1041,3 ملرد تەڭگەنى قۇرادى. وندىرىلگەن ونەركاسىپتىك ونىمدەر كولەمى 14 پايىزعا ۇلعايىپ, 1228,3 ملرد تەڭگەنى قۇرادى. ءونىمدى قايتا وڭدەۋ ونەركاسىبىندە 1100 ملرد تەڭگەنىڭ ءونىمى ءوندىرىلدى. قايتا وڭدەۋ ونەركاسىبىنىڭ نەگىزگى سالالارىنا: مەتاللۋرگيا, ماشينا جاساۋ, مينەرالدىق ونىمدەر ءوندىرىسى, سۋسىندار ءوندىرىسى, ازىق-تۇلىك ونىمدەرى جاتادى.
بولشەك ساۋداداعى تاۋار اينالىمىنىڭ كولەمى 1312,1 ملرد تەڭگەنى قۇرادى, بۇل كورسەتكىش 2020 جىلمەن سالىستىرعاندا 7,7 پايىزعا ارتىق. كوتەرمە ساۋداداعى تاۋار اينالىمىنىڭ كولەمى 3856,1 ملرد تەڭگەنى قۇرادى, بۇل كورسەتكىش وتكەن جىلمەن سالىستىرعاندا 7,6 پايىزعا كوپ. سونىمەن قاتار جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 12,5 پايىزعا ءوسىپ, 159,6 مىڭعا جەتتى. 2021 جىلدىڭ قاڭتار-ماۋسىم ايلارىندا شاعىن جانە ورتا بيزنەس سالاسىندا جۇمىس ىستەيتىن ادامداردىڭ سانى 401131-گە كوبەيدى, بۇل كورسەتكىشتى 2020 جىلمەن سالىستىرساق, 11,9 پايىزعا ارتىق. شاعىن جانە ورتا بيزنەس سۋبەكتىلەرى بيىل التى ايدا 3981669 ملن تەڭگەنىڭ تاۋارلارىن شىعارعان.
