نۇر-سۇلتان قالاسىنىڭ اكىمى التاي كولگىنوۆ ەلوردادا ىسكە اسىپ جاتقان IT-جوبالار تۋرالى ءمالىم ەتتى.
«وسىدان ءبىر جىل بۇرىن ءىت-كەڭەستىڭ جۇمىسىن باستادىق. ول تسيفرلىق تەحنولوگيالاردى ودان ءارى دامىتىپ, ەنگىزۋگە باعىتتالعان. ءىت-كەڭەستەگى ءاربىر كەزدەسۋ جاي عانا كەزدەسۋ ەمەس, بۇل قالا مەن تۇرعىندارعا قاجەت ناقتى جوبالاردى كاسىبي تۇرعىدا تالقىلاپ, ەنگىزۋ. مەملەكەت باسشىسى اتاپ وتكەندەي, «تسيفرلاندىرۋ – بارلىق رەفورمالاردىڭ بازالىق ەلەمەنتى».
مىسالى, پاندەميا كەزىندە پاتسيەنتتەردى مەديتسينالىق مەكەمەلەرگە بىركەلكى تاراتۋعا مۇمكىندىك بەرەتىن قوسىمشالار جاسالدى, تەلەمەديتسينا ەنگىزىلدى جانە ت. ب.
سونىمەن قاتار, ءىت-كەڭەستە تانىستىرىلعان بىرقاتار جوبا باسقا دا سالالارعا ەنگىزىلدى. مىسالى, 20-دان استام مەكتەپتە حيميا, بيولوگيا, فيزيكا سياقتى پاندەردى كورنەكى تۇردە كورسەتۋگە مۇمكىندىك بەرەتىن Roqed Science باعدارلاماسى ەنگىزىلدى. بۇل وقۋشىلارعا ماتەريالداردى تۇسىندىرۋگە مۇمكىندىك بەرەدى. بىرقاتار مەكتەپتە Smart Recirculation Control جوباسى ىسكە قوسىلدى. يننوۆاتسيالىق تەحنولوگيا اۋانى تازارتۋعا جانە زارارسىزداندىرۋعا, سول ارقىلى ءۇي-جايدى يونيزاتسيالاۋعا, اۋانىڭ تۇتىندەنۋىنە مونيتورينگ جۇرگىزۋگە, تاۋلىك بويى بەينەباقىلاۋ مەن ۆيزۋالدى باقىلاۋ جۇرگىزۋگە مۇمكىندىك بەرەدى. سونداي-اق دەنە تەمپەراتۋراسىن ولشەيتىن, ماسكانىڭ بار-جوعىن بىردەن بىلەتىن جۇيە ىسكە قوسىلدى.
قالانى اۋقىمدى تسيفرلاندىرۋدى جۇرگىزەتىنىمىز تۋرالى ايتقان بولاتىنمىن. مىسالى, ينجەنەرلىك جەلىلەردى تسيفرلاندىرۋ ولاردىڭ ناقتى جاعدايىن كورۋگە, جوندەۋ جۇمىستارىن ۋاقىتىلى جۇرگىزۋگە, قاجەت بولعان جاعدايدا قۋاتتى ارتتىرۋعا, تاۋەكەلدەردى ازايتۋعا جانە ت. ب. مۇمكىندىك بەرەدى. قالانى تسيفرلاندىرۋ جۇمىسى قازىر اياقتالۋعا جاقىن.
سونىمەن قاتار ۇسىنىلعان جوبالاردىڭ اراسىندا ەكولوگيا, قاۋىپسىزدىك, الەۋمەتتىك سالالارداعى جوبالار دا بار. مىسالى, جاسىل جەلەكتەردى تۇگەندەۋ, ليۋكتەردىڭ مونيتورينگى, زاڭسىز قوقىستاردىڭ الدىن الۋ جانە انىقتاۋدى باقىلاۋ جانە ت. ب. ءۇشىن جۇيەلەر ازىرلەندى. ىرىكتەلگەن جوبالار تولىقتاي ىسكە اسىرىلادى» دەپ جازدى ەلوردا اكىمى.
