«دامۋ» كاسىپكەرلىكتى قولداۋ قورىنىڭ استانا قالاسى بويىنشا فيليالى وتكەن جىلدى قورىتىندىلاپ, ارنايى ءباسپاسوز ءماسليحاتىن وتكىزدى.
جيىن بارىسىندا استانا فيليالىنىڭ ديرەكتورى يسلامبەك قايىربەكوۆ الدىمەن شاعىن جانە ورتا كاسىپكەرلىكتى قولداۋ, دامىتۋ بويىنشا جاسالعان «بيزنەستىڭ جول كارتاسى – 2020» باعدارلاماسىنىڭ ماقسات-مىندەتتەرى جونىندە اڭگىمەلەدى. وسى باعدارلاما قولعا الىنعالى بەرى كوپتەگەن جاڭا كاسىپورىندار قۇرىلىپ, تابىستى جۇمىس ىستەپ جاتىر. سوندىقتان بۇل باعدارلاما اياسىندا قولداۋ كورسەتۋ ۇنەمى باستى نازاردا.
فيليال باسشىسىنىڭ ايتۋىنشا, وتكەن جىلى استانادا سۋبسيديالاۋ بويىنشا 76 كەلىسىمشارت جاسالعان. نەسيەلىك پورتفەلدىڭ جالپى سوماسى – 22,3 ملرد تەڭگە. ال وتكەن جىلى تولەنگەن سۋبسيديا كولەمى 3,02 ملرد تەڭگەگە جەتكەن ەكەن. جوبالاردى سۋبسيديالاۋ باعىتىندا بىرقاتار بانكتەر بەلسەندى جۇمىس جاساپ جاتقان كورىنەدى.
كاسىپكەرلەردىڭ جوبالارىنا كەپىلدىك بەرۋ اياسىندا «دامۋ» قورى 154 جوبانى ماقۇلداعان. ال 108 جوبا بويىنشا كەلىسىمشارت جاسالعان. ونىڭ جالپى قۇنى – 5,8 ملرد تەڭگە شاماسىندا. استانادا «دامۋ» قورى كەپىلدىك بەرگەن شاعىن جوبالاردىڭ ءبىرى جەكە كاسىپكەر ن.مولداشەۆتىڭ قول سۇرتەتىن قاعازدار ءوندىرىسى ەكەن. جوبانىڭ جالپى قۇنى 848 202 تەڭگە بولسا, كەپىلدىك قارجى كولەمى – 720 971 تەڭگە كولەمىندە.
سونداي-اق, «دامۋ» قورىنىڭ استانا فيليالى كاسىپكەرلەرگە قارجىلاي قولداۋدان باسقا دا كومەكتەر كورسەتىپ جاتادى. ماسەلەن, بيزنەس-جوسپارلار جاساۋ, بيزنەس-يدەيالاردى جۇزەگە اسىرۋ باعىتىندا ناقتى كەڭەستەر بەرەدى, زاڭگەر كومەكتەرىن ۇسىنادى. وتكەن جىلى اتالمىش قور فيليالى جاستار كاسىپكەرلىگىن قولداۋ باعىتىندا «Startup Bolashak» ستارتاپ-جوباسى بايقاۋىن وتكىزگەن. يسلام قايىربەكوۆ ءوز سوزىندە بايقاۋ ناتيجەسىندە استانادا قانداي جوبالار قايتارىمسىز گرانتتارعا يە بولعانىن دا اتاپ ءوتتى.
قازىرگى ۋاقىتتا جۇمىستارىن ەندى باستاعان استانالىق كاسىپكەرلەر ارنايى باعدارلاماداعى «شاعىن جانە ورتا بيزنەستىڭ توپ-مەنەدجمەنتىنە وقىتۋ», «ىسكەرلىك بايلانىس» سياقتى كوپتەگەن جوبالارعا قاتىسىپ, بيزنەستىڭ قىر-سىرىن مەڭگەرۋدە. بۇل دا ولارعا ۇلكەن قولداۋ.
ءباسپاسوز-ءماسليحاتىنا قاتىسۋشىلار سوڭىندا استانا قالاسى اكىمدىگىمەن بىرگە جۇزەگە اسىرىلىپ جاتقان ايماقتاعى جاڭا باعدارلامالاردىڭ تارتىبىمەن تانىسىپ, وزدەرىن تولعاندىرىپ جۇرگەن ماسەلەلەرگە بايلانىستى سۇراق-جاۋاپ تۇرىندە پىكىر الماستى.
م. نۇرىمۇلى, astana-akshamy.kz
