كەيبىر اۆتوبۋستىڭ باعىتى وزگەردى
21 قۇركۇيەكتەن باستاپ №38 باعدار №58 باعداردىڭ قوزعالىس سىزباسىمەن جۇرە باستادى. ياعني, «شارىن» بازارىنان «باستاۋ» تۇرعىن كەشەنىنە دەيىن قاتىنايدى.
وعان قوسا, №14 جانە №64 باعدارلارىنىڭ ءجۇرىسى ۋاقىتشا وزگەردى. بۇعان اباي داڭعىلىنىڭ پۋشكين كوشەسىنەن جۇبانوۆ كوشەسىنە دەيىنگى بولىگىندە ءجۇرىپ جاتقان جول جوندەۋ جۇمىستارى سەبەپ بولىپ وتىر. وسىلايشا, №14, 64 باعدارلار اينالما جولمەن جۇرەدى: كەنەسارى كوشەسى – جۇبانوۆ كوشەسى – اباي داڭعىلى. ودان ءارى بۇرىنعى باعىت بويىنشا قوزعالادى. كەرى باعىتتا بەكىتىلگەن سىزبا بويىنشا اباي داڭعىلىمەن جۇرەدى. بۇرىنعى قوزعالىس سىزباسى جول جوندەۋ جۇمىستارى اياقتالعاننان كەيىن قايتا قالپىنا كەلەدى.
سونىمەن قاتار, قارتالى كوشەسىنىڭ قاراساي باتىر كوشەسىنەن كونستيتۋتسيا كوشەسىنە دەيىنگى بولىگى 20 قىركۇيەكتەن 5 قازانعا دەيىن جارتىلاي جابىلادى.