كەلە جاتقان كولىكتى QR انىقتايدى
استانالىقتار اۆتوبۋستاردىڭ ايالداماعا قانشالىقتى جاقىنداپ قالعانىن QR-كود ارقىلى كورە الادى. ونى ايالدامالارداعى QR-كودى بار ارنايى جاپسىرمالار ارقىلى انىقتاپ, اۆتوبۋستاردىڭ باعىتى مەن ۋاقىتى تۋرالى دا بىلە الادى.
«City Transportation Systems» جشس قوعامدىق كولىكتەردە ءجۇرۋدىڭ جولاقىسىن ەلەكتروندى تولەۋ جانە ديسپەتچەرلەۋ جۇيەسىن جاڭعىرتۋ اياسىندا ايالدامالاردى تسيفرلاندىرۋ جۇمىسىن باستادى.
«ەندى ايالدامالاردا QR-كودى بار ارنايى جاپسىرمالار ورنالاستىرىلادى. ولاردى سكانەرلەۋ ارقىلى باعدارلاردىڭ ناقتى كەلۋ ۋاقىتىن كورۋگە بولادى. ول ءۇشىن «Avtobys» ءموبيلدى قوسىمشاسىن Google Play, App Store نەمەسە App Gallery-دان جۇكتەپ الۋ قاجەت. قولدانبانىڭ باستى بەتىندە QR بەلگىسىن باسىپ, ايالداماداعى QR-كودتى سكانەرلەۋ كەرەك. سودان كەيىن قوسىمشادا ايالدامادان وتەتىن مارشرۋتتار جانە ولاردىڭ بولجامدى كەلۋ ۋاقىتى كورسەتىلەدى» دەدى «City Transportation Systems» جشس وكىلى.
قازىر ەلورداداعى 225 ايالدامادا QR-كودى بار جاپسىرمالار بار. الداعى ۋاقىتتا قالعان ايالدامالارعا دا ورناتىلادى.