ەلوردادا «SHARE» قاناتقاقتى جوباسى ىسكە قوسىلدى. كەمبريدج ۋنيۆەرسيتەتىنىڭ پەداگوگتارى ەلوردالىق مۇعالىمدەرمەن تاجىريبە بولىسۋدە.
مەكتەپ كەستەسىن, وقىتۋدىڭ جاڭا ادىستەرىن, وقۋشىلاردى ىنتالاندىرۋ جۇيەسىن كەمبريدج ۋنيۆەرسيتەتىنىڭ وقىتۋشىلارى مەن ەلوردالىق پەداگوگتار تالقىلادى. ءۇش كۇندىك سەمينار بارىسىندا شەتەلدىك قوناقتار «مەكتەپ كورىنىسى», «ءبىلىم بەرۋدەگى كوشباسشىلىق», «ءىس-ارەكەتتەگى پراكتيكانى زەرتتەۋ» سەسسيالارىن وتكىزەدى, وقۋشىلارمەن كەزدەسىپ, ءبىلىم بەرۋ جۇيەسىنىڭ تاجىريبەسىمەن بولىسەدى. جوباعا قالانىڭ 5 مەكتەبى قاتىسۋدا.
قالا اكىمى ا.كولگىنوۆ «شەتەلدىك تاجىريبە الماسۋ – الەمدىك ترەند, تەك ءبىلىم ارقىلى عانا تابىسقا جەتۋگە بولادى» دەپ اتاپ ءوتتى. «سىزدەر جاڭا ادىستەمە ارقىلى ءبىلىم الىپ, بىلىكتىلىكتەرىڭىزدى ارتتىرۋ ءۇشىن قولايلى جاعداي جاسايمىز. ءسىزدىڭ مارتەبەڭىز وقىتۋ ساپاسىنا تىكەلەي بايلانىستى. ەگەر بالا تاڭەرتەڭ مەكتەپكە اسىق بولسا, اسا قۋانىشپەن ساباق وقىسا – بۇل ءسىزدىڭ جەتىستىگىڭىز. مەكتەپ ديرەكتورى قانداي يمپۋلس پەن باعىت بەرسە, مەكتەپ تە سونداي بولماق. ەلوردادا حالىق سانىنىڭ ءوسۋى بايقالادى, ونىڭ ىشىندە وقۋشىلار سانى وسۋدە. بالالاردىڭ بولاشاعى, ولاردىڭ ءبىلىمى سىزدەرگە بايلانىستى» دەپ اتاپ ءوتتى
ا.كولگىنوۆ. ەلوردا باسشىسى تاجىريبە الماسۋ بويىنشا وسىنداي جوبالار باسقا مەكتەپتەردە دە وتكىزىلەتىنىن ايتتى.
