بالكون مەن بولمەنى قوسۋ زاڭدى ما؟
جاڭادان العان باسپاناڭىزدىڭ ىشكى جوباسى ىڭعايسىزدىق تۋدىرىپ, ءۇيىڭىزدىڭ ءىشىن تارىلتىپ تۇر ما؟ ادەتتە, مۇنداي شاقتا كوپشىلىك بالكوندى تورگى بولمەگە نەمەسە اسۇيگە قوسقاندى ءجون كورەدى. ال بۇل قانشالىقتى زاڭدى؟ بۇل ويدى جۇزەگە اسىرۋ ءۇشىن نە ىستەۋ كەرەك؟
ەڭ ماڭىزدىسى!
1-قادام. بالكون مەن بولمەنىڭ وزگەرەتىن تۇسىنا ەسكيزدەلگەن جوباداعى نۇسقاسىن ازىرلەۋ. بۇل جوبانى ارنايى ليتسەنزياسى بار ماماندار عانا دايىندايدى.
2-قادام. استانا قالاسى ساۋلەت, قالا قۇرىلىسى جانە جەر قاتىناستارى باسقارماسىنىڭ رۇقساتىن الۋ. رۇقسات بەرىلمەي تۇرىپ, بالكون مەن بولمەنى بىرىكتىرۋگە بولمايدى. ءوتىنىشتى حقو-عا نەمەسە باسقارمانىڭ وزىنە بارىپ جازۋعا بولادى.
3-قادام. پاتەر اۋدانىنىڭ وزگەرگەنى تۋرالى قورىتىندىمەن بىرگە پاتەرگە تەحنيكالىق تولقۇجاتقا ناقتى قايتا جوسپارلاۋمەن تاپسىرىس بەرۋ.
4-قادام. پاتەردى قولدانىسقا ەنگىزۋ ءۇشىن اكت الۋ قاجەت. بۇل دا استانا قالاسى ساۋلەت, قالا قۇرىلىسى جانە جەر قاتىناستارى باسقارماسى ارقىلى جۇزەگە اسادى.
5-قادام. تەحنيكالىق سيپاتتامالاردىڭ وزگەرىستەرى تۋرالى اكتىنى ادىلەت دەپارتامەنتىنە تىركەۋ قاجەت.
مىناداي قۇجاتتار قاجەت:
ءوتىنىش; جەكە كۋالىك; تەحنيكالىق جوبالاۋ; ەنگىزىلەتىن وزگەرىستىڭ ەسكيزدى جوباسى; جىلجىمايتىن مۇلىكتى يەلەنۋگە قۇقىق بەلگىلەيتىن قۇجاتتار; ەگەر بولمە مەن بالكوندى بىرىكتىرۋ ماڭايىنداعى كورشىلەرگە اسەر ەتەر بولسا, ولاردىڭ نوتاريالدى كەلىسىمى.
باسپالداق استىنداعى قويما
پاتەرىڭىزدە ارتىق زاتتار قوياتىن ورىن جوق پا؟ الايدا پودەزد ىشىندەگى باسپالداقتىڭ استى بوس, سونى قويما رەتىندە پايدالانعىڭىز كەلە مە؟ ول ءۇشىن نە ىستەۋ كەرەك؟
ماڭىزدى مالىمەت:
* «تۇرعىن ءۇي قاتىناستارى تۋرالى زاڭ» بويىنشا كوپقاباتتى تۇرعىن ۇيدەگى شاتىردىڭ, باسپالداقتىڭ استىڭعى بولىگى, ليفت, پودەزد, جەرتولە سەكىلدى ورىندار سول ۇيدە تۇراتىن جاندارعا ورتاق ورىن, ياعني جەكەمەنشىك بولىپ ەسەپتەلمەيدى.
* تۇرعىنداردىڭ ءبىرى قويما رەتىندە باسپالداقتىڭ, شاتىردىڭ استىن, جەرتولەنى پايدالانعىسى كەلسە, سول پودەزدە تۇراتىن ءۇي يەلەرىنىڭ كەمىندە 2/3 كەلىسىمىن الۋ نەمەسە كوندومينيۋم وبەكتىسىن باسقارۋ ورگانىنىڭ شەشىمىمەن پايدالانۋ شارت ەتىلەدى.
* وسىدان كەيىن استانا قالاسى ساۋلەت, قالا قۇرىلىسى جانە جەر قاتىناستارى باسقارماسىنىڭ رۇقساتىن الۋ شارت. رۇقسات بەرىلگەننەن كەيىن قاۋىپسىزدىك ماقساتىندا قويما ىشىنە ءورت سيگناليزاتسياسىن جانە ءتۇتىندى سىرتقا شىعاراتىن قۇرىلعى ورناتۋ شارت ەتىلەدى.
قاجەت قۇجاتتار ءتىزىمى:
پيك-كە ءوتىنىش; جەكە كۋالىك; تۇرعىنداردىڭ نوتاريالدانعان كەلىسىمى; استانا قالاسى ساۋلەت, قالا قۇرىلىسى جانە جەر قاتىناستارى باسقارماسىنىڭ رۇقساتى. مىنە, وسى شارتتار تولىعىمەن اتقارىلعاننان كەيىن بۇل زاڭدى قويما رەتىندە ەسەپتەلەدى.
ەستە ۇستاۋ قاجەت!
* بالكون مەن بولمە اراسىن بىرىكتىرمەس بۇرىن تىرەۋىشتەرى, قابىرعالارى عيماراتتىڭ ماڭىزدى بولىكتەرى ەمەستىگىنە كوز جەتكىزۋ كەرەك.
* تۇرعىن ۇيدەگى جالپى جىلۋ جۇيەسىنە زيان كەلتىرمەس ءۇشىن جىلۋ باتارەياسىن بالكونعا ورناتۋعا بولمايدى. بالكون جىلۋمەن قامتاماسىز ەتىلمەيتىن تۇسى بولعاندىقتان, جىلۋ ەنەرگياسى بۇل ورىنعا ەسەپتەلمەگەن.
* قۇرىلىس نورمالارى مەن ەرەجەلەرىنە بايلانىستى بالكون اپاتتىق جاعدايداعى قوسىمشا ەسىك بولىپ ەسەپتەلەدى. ال 5-قاباتتان, ياعني 15 مەتردەن جوعارى قاباتتاعىلارى ەۆاكۋاتسيالىق شىعۋ كوزى بولىپ سانالادى. سوندىقتان, مىنە, وسى قاباتتاعى پاتەر يەلەرى بالكوندى ىشكى بولمەمەن بىرىكتىرۋىنە بولمايدى.
* ارحيتەكتور, ينجەنەر سەكىلدى مامانداردىڭ كومەگىنسىز بالكون مەن بولمە اراسىن بىرىكتىرۋگە بولمايدى. ماماندار الدىمەن زەرتتەۋ جۇرگىزىپ, قابىرعانىڭ ماڭىزدىلىعىن انىقتايدى. كەرى جاعدايدا عيماراتتا جارىقشاق پايدا بولۋى, تىپتەن وپىرىلىپ, ادام ومىرىنە قاۋىپ تۋدىرۋى مۇمكىن.
* بالكون اۋماعىن جىلىتۋ ءۇشىن جىلىتىلعان ەدەن جۇيەسىن, قوسىمشا ەلەكتر جابدىعىن پايدالانعان ءجون.
بوس جۇمىس ورىندارى
جۇيەلىك اكىمشى – 1 ادام (جالاقىسى – 80 مىڭ تگ) «وتەل كاسپي استانا» جشس
ءاۆتوموبيلدى كران ءماشينيسى – 1 ادام (جالاقىسى – 140 مىڭ تگ) «Bazis Construction» جشس استانا قالاسىنداعى فيليالى
باعىتتىق اۆتوبۋس جۇرگىزۋشىسى – 10 ادام (جالاقىسى – 250 مىڭ تگ) №8 اۆتوبۋس پاركى
تاماق ونىمدەرىن تيەۋشى-ءتۇسىرۋشى – 1 ادام (جالاقىسى – 70 مىڭ تگ-دەن 90 مىڭ تگ-گە دەيىن) «تسەسنا-استىق» كونتسەرنى
قاۋىپسىزدىك تەحنيكاسى بويىنشا ينجەنەر – 1 ادام (جالاقىسى – 130 مىڭ تگ) «AIE Logistics» جشس
باعدارلامالىق جاساقتامانى ازىرلەۋشى – 1 ادام (جالاقىسى – 174 مىڭ تگ) «Fortebank» اق
اۋە قوزعالىسىنىڭ كوورديناتورى – 1 ادام (جالاقىسى – 220 مىڭ تگ) «قازاەروناۆيگاتسيا» رمك
بانكوماتتار مەحانيگى – 1 ادام (جالاقىسى – 312 مىڭ تگ) «Fortebank» اق
بولشەك بيزنەس باعىتىنىڭ جەتەكشى ساراپشىسى – 1 ادام (جالاقىسى – 243 مىڭ تگ) «Fortebank» اق
بولشەك بيزنەس باعىتىنىڭ باس مەنەدجەرى – 1 ادام (جالاقىسى – 138 مىڭ تگ) «Fortebank» اق
وپەراتسيالىق قىزمەتتەردى قولداۋ جونىندەگى باس مەنەدجەر – 1 ادام (جالاقىسى – 105 مىڭ تگ) «Fortebank» اق
جابدىقتاردى جيناقتاۋ ءجونىندەگى ينجەنەر – 1 ادام (جالاقىسى – 55 مىڭ تگ) №32 مەكتەپ-گيمنازيا
شەت ءتىلى مۇعالىمى – 1 ادام (جالاقىسى – 50 مىڭ تگ) №32 مەكتەپ-گيمنازيا
شاشتاراز ونەرى جانە دەكوراتيۆتى كوسمەتيكا وقىتۋشىسى – 1 ادام (جالاقىسى – 100 مىڭ تگ)
استانا مەنەدجمەنت جانە بيزنەس كوللەدجى
ارنايى پسيحوپەداگوگيكا ماماندىعى بويىنشا پسيحولوگ – 1 ادام (جالاقىسى – 90 مىڭ تگ)
استانا مەنەدجمەنت جانە بيزنەس كوللەدجى
ءۇي-جايلاردى جيناپ-تازالاۋشى – 6 ادام (جالاقىسى – 90 مىڭ تگ) «GLB» جشس
تاربيە ءىسى جونىندەگى تالىمگەر – 1 ادام (جالاقىسى – 80 مىڭ تگ) №82 «دارىن» مامانداندىرىلعان ليتسەيى
