ەلوردا اكىمى ا.كولگىنوۆ, «استانا كونۆەنشن بيۋرو» جشس ديرەكتورى س.ايتەكەنوۆ جانە Kraftwerk وكىلى ك.ميورفي ەلىمىزدىڭ جانە ەلوردانىڭ كورىكتى جەرلەرى بويىنشا ۆيرتۋالدى ساياحات قۇرۋ تۋرالى جوبانى ىسكە اسىرۋدى تالقىلادى.
بۇل جوبا بويىنشا باس قالادا سالىناتىن «ەلوردانىڭ بيىگىنەن سامعاپ ۇشۋ» اتتراكتسيونى ارقىلى قالا تۇرعىندارى مەن قوناقتارى ۆيرتۋالدى ۇشۋ ارقىلى ەلوردانىڭ جانە ەلىمىزدىڭ ادەمى تابيعاتى مەن كورىكتى جەرلەرىن بيىكتەن قاراپ, تاماشالاي الاتىن بولادى. اتالعان ساياحاتتى جاساۋ بارىسىندا ارنايى جەل, سۋدىڭ سىلدىرى, ءيىس, قۇستىڭ ۇشقانى جانە دە وسى تەكتەس اسەر قالدىراتىن اەروفوتو-تۇسىرىلىمدەر, ءارتۇرلى كليماتتىق جانە دىبىستىق ارنايى اسەر بەرەتىن كورىنىستەر قولدانىلاتىن بولادى. Kraftwerk – يننوۆاتسيالىق اۋديوۆيزۋالدى جۇيە بويىنشا الەمدەگى كوشباسشى كومپانيا. تاراپتار اراسىنداعى كەلىسىم جوبانى ىسكە اسىرۋ جۇمىستارىن باستاۋعا مۇمكىندىك بەرەدى, ياعني جوسپارلانعان مەرزىم الداعى جىل بولىپ وتىر.
اتاپ ايتار بولساق, وسىنداي اتتراكتسيوندار الەمدە كەڭىنەن قولدانىلادى. ماسەلەن, ماسكەۋ (زاريادە ساياباعى), چانشا, قىتاي (Beautiful Hunan), رۋتس, گەرمانيا, (Europa-Park Voletarium: Flying Theater Attraction), دۋباي Bollywood Parks (Krrish Hero’s Flight) جانە باسقا قالالاردا وسىنداي اتتراكتسيوندار بار.
