كىرىستەردىڭ كولەمى ءوستى

كەشە قالالىق ءماسليحاتتىڭ بيۋد­جەت, ەكونوميكا, ونەركاسىپ جانە كاسىپكەرلىك ماسە­لەلەرى ءجونىن­دەگى تۇراقتى كوميس­سيا­نىڭ وتىرىسى ءوتتى.

وندا استانا قالاسىنىڭ بيۋدجەتىنە تۇسەتىن سالىق تۇسىمدەرىن ۇلعايتۋ ءجو­نىندەگى شارالار تۋرالى استانا قالاسى مەملەكەتتىك كىرىستەر دەپارتامەنتىنىڭ باسشىسى ءابىلحايىر سقاقوۆ بايانداما جاسادى. اتالمىش دەپارتامەنتتىڭ ستراتەگيالىق ماقساتى نە­گىزگى ءۇش باعىتتى قامتيدى. بۇلار – بيۋدجەتتىڭ تابىس­تى بولىگىن قامتاماسىز ەتۋ, حالىقارالىق ساۋدانىڭ دامۋىنا ىقپال ەتىپ, «كولەڭكەلى» ەكونوميكاعا قارسى ءىس-قيمىلدى ءجۇر­گىزۋ. دەپارتامەنت باس­شى­­سىنىڭ ايتۋىنشا, العا قويعان مىندەتتەرگە فيس­كالدى اكىمشىلەندىرۋدىڭ بىرەگەي ورتالىعىن قۇرۋ ارقىلى قول جەتكىزىلۋدە. ناتيجەسىندە ەسەپتى كەزەڭدە رەسپۋبليكالىق بيۋدجەت – 106 پايىز, جەرگىلىكتى بيۋدجەت 102 پايىز كولەمىندە جوسپار ورىندالعان.
«كولەڭكەلى» ەكونو­ميكاعا قارسى كۇرەس ءجۇر­گىزۋدە دەپارتامەنتتىڭ جەتىستىكتەرى دە ايتار­لىق­تاي. اكتسيزدەر اينالىمى بويىنشا «كولەڭكەلى» اينالىمنان 535 329 ءبو­تەلكە الكوگول ونىمدەرى الىنعان, ليزەنتسياسىز ساتىلعان 67 881 بوتەلكە بولسا, 280 ليتسەنزيا ءوز ەركىمەن قايتارىلىپ, 56 ليتسەنزيانىڭ جۇمىسى توقتاتىلعان. سوت شەشى­مىمەن 6 ليتسەنزيا قايتا­رىلىپ, 40 توننا مۇناي ءونىمى اينالىمنان الىن­عان. باقىلاۋ-كاسسالىق قۇرالدارىن ەنگىزۋ ارقىلى اينالىمنان قولما-قول اقشانىڭ ۇلەسىن ازايتىپ, بيۋدجەت ءتۇسىمى ۇلعايتىلعان. وسىعان دەيىن قالا بويىنشا 15 292 POS-تەرمينال ورناتىلعان. الداعى ۋا­قىتتا مەديتسينالىق جانە ءبىلىم بەرۋ مەكەمەلەرى مەن قىزمەت كورسەتۋشى بىرقاتار ۇيىمدار وسى قوندىرعىمەن جابدىقتالماق.

ايگۇل ۋايسوۆا