«استانا وپەرا» تەاترىندا «Astana Piano Passion 2019» V حالىقارالىق جاس پيانيستەر بايقاۋىنىڭ جەڭىمپازدارى انىقتالدى.
ءبىر اپتاعا سوزىلعان فەستيۆال كلاسسيكالىق مۋزىكاعا ىنتىق كورەرمەندەردىڭ قۇرىشىن قاندىردى. بيىلعى بايقاۋعا ءار ەلدىڭ بايگەگە ۇكىلەپ قوسقان وتىزعا جۋىق جاس تالانتتارى قاتىسىپ, جوعارى دارەجەدە ونەر كورسەتتى. ولارعا قازىلىق جاساعان ازاماتتار دا الەم مويىنداعان ونەر مايتالماندارى بولدى. سايىستىڭ بارلىق كەزەڭى ونلاين تۇرىندە كورسەتىلدى. فەستيۆالعا قاتىسۋشىلار ءۇش توپ بويىنشا, ياعني 18 جاسقا دەيىنگى ارالىقتا باق سىنادى. سونىمەن 10 جاسقا دەيىنگى كىشى توپتا – تايۆاندىق جاس ورەن شان-ەن پايدىڭ باعى جاندى. ەكىنشى توپ 11 مەن 14 جاس ارالىعىندا ونەر كورسەتكەندەر اراسىندا اقش-تان كەلگەن 14 جاستاعى پيانيست ادريان روموفف پەن رەسەيلىك 12 جاستاعى پيوتر اكۋلوۆ جەڭىمپاز اتاندى. جوعارعى توپ بويىنشا, ياعني 15-18 جاس ارالىعىندا ءبىرىنشى ورىن ەشكىمگە بەرىلگەن جوق. ەكىنشى ورىندى 15 جاستاعى قىتايلىق سينچەنا ۋانا مەن رەسەيدىك دانيلا نەموۆا جەڭىپ الدى. ءۇشىنشى ورىندى جەرلەسىمىز ءاليا اسانوۆا رەسەيلىك داريا پودوروجنوۆامەن ءبولىستى. جەڭىمپازداردىڭ ءبارى باعالى سىيلىقتارمەن ماراپاتتالدى. فەستيۆال سوڭى گالا-كونتسەرتكە ۇلاستى.
