ەل تىنىسى
كوكتال تۇرعىن الابىندا بىرنەشە كوشەگە جوندەۋ جۇرگىزىلەدى
استانا قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى كوكتال-1 تۇرعىن الابىندا بىرنەشە كوشەگە ورتاشا جوندەۋ جۇرگىزىلەتىنىن مالىمدەدى, دەپ حابارلايدى astana-akshamy.kz
جوندەۋ جۇرگىزىلەتىن كوشەلەر:
– سۇلۋكول كوشەسى ەڭلىك-كەبەك كوشەسىنەن باستاپ ارداگەرلەر كوشەسىنە دەيىنگى ۋچاسكەدە;
– ارداگەرلەر كوشەسى د. باباتايۇلى كوشەسىنەن باستاپ شۇعىلا كوشەسىنە دەيىنگى ۋچاسكەدە.
وسىعان بايلانىستى قوزعالىس وسى جىلدىڭ 9-16 مامىر ارالىعىندا ءىشىنارا جابىلاتىن بولادى.
ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماس ءۇشىن قوزعالىس باعىتىن الدىن الا جوسپارلاۋى قاجەت.