ەلوردالىق سپورتشىلار «جەڭىس ءۇشىن راقمەت!» اتتى چەلەندجىن باستاپ, ارداگەرلەرگە العىستارىن ءبىلدىردى, دەپ حابارلايدى astana-akshamy.kz
ەلوردالىق سپورت باسقارماسىنا قاراستى مەكەمە قىزمەتكەرلەرى مەن سپورتشىلار وزدەرىنىڭ الەۋمەتتىك پاراقشالارىنا,«جەڭىس ءۇشىن راقمەت!» اتتى چەلەندجىن باستاپ, مەرەكە قارساڭىندا العىستارىن ۆيدەو ۇندەۋ ارقىلى جەتكىزدى.
سونداي-اق, №7 بالالار مەن جاسوسپىرىمدەر سپورت مەكتەبىنىڭ توعىزقۇمالاق ءبولىمىنىڭ سپورتشىسى جانەل شاشيەۆا «جەڭىس ءۇشىن اتاما راحمەت!» دەپ ۇلى وتان سوعىسىنا قاتىسقان اتاسى جايلى ەسكە الدى. سونىمەن قاتار, بىرنەشە مەكەمە قىزمەتكەرى دە ەلگە جەڭىس اكەلگەن اتا-اجەلەرى تۋرالى ەستەلىكپەن ءبولىستى.
كەيبىر سپورتشىلار مەن قىزمەتكەرلەر ۇلى وتان سوعىسى باتىرلارىنا ارناۋلارىن وقىپ, اندەرىن شىرقاپ مەرەكەلىك كوڭىل كۇيدى جەتكىزىپ جاتتى.
«جەڭىسكە جەتكەنىن اركەز ەستە ساقتايتىن بولامىز
بۇگىندە كەلىسىم مەن بەيبىتشىلىكتە ءومىر ءسۇرۋىمىز — ارداگەرلەرىمىزدىڭ مايدانداعى ەرلىگى مەن ەرەن ەڭبەگىنىڭ ارقاسى. قايسارلىعى مەن جانكەشتىلىگى ءۇشىن ارداگەرلەرىمىزدىڭ الدىندا باس يەمىز», – دەيدى استانا قالاسى اكىمدىگىنىڭ «№9 بالالار مەن جاسوسپىرىمدەردىڭ سپورت مەكتەبى» كمم باسشىسى ايدىن توقباەۆ.
