جەڭىس كۇنىنە وراي وتىرىپ وينايتىن ۆولەيبولدان استانا قالاسىنىڭ ءتۋرنيرى ءوتتى, دەپ حابارلادى astana-akshamy.kz
سوڭعى جىلدارى ەلىمىزدە مۇمكىندىگى شەكتەۋلى جانداردىڭ اراسىندا وتىرىپ ويناۋ ۆولەيبولى قارقىندى دامىپ كەلەدى. ونىڭ ءبىر دالەلى, 2023 جىلى استانا قالاسىندا وتكەن پارا ازيا چەمپيوناتىندا قازاقستان ۇلتتىق قۇراماسى اراعا 28 جىل سالىپ, پاريج پاراليمپياداسىنا قاتىسۋعا مۇمكىندىك الدى.
«ەلوردامىزدا وسى سپورتتىڭ ءتۇرىنىڭ دامىپ جاتقانىنا 7 جىلدان استام ۋاقىت ءوتتى. قازىرگى ۋاقىتتا ەرلەر, ايەلدەر, جاستار, ارداگەرلەر كوماندالارىمىز بار.
2023 جىلى ەرلەرىمىز تاراز قالاسىندا وتكەن قازاقستان كۋبوگىندا توپ جارسا, ايەلدەر قۇراماسى تەك استانا قالاسىندا عانا بار. ولار وتكەن جىلى ءبىرىنشى رەت پارا ازيا چەمپيوناتىنا قاتىسىپ, 7-ورىنعا تۇراقتاعان بولاتىن. ارداگەرلەرىمىز دە قازاقستاندا توپ-3-كە كىرەدى», – دەدى استانا قالاسىنىڭ ەرلەر جانە ايەلدەر قۇراماسىنىڭ باس باپكەرى مەدەۋ ابەنوۆ.
ءدال قازىرگى ساتتە استانا قالاسى بويىنشا 40-قا جۋىق كاسىبي پارا ۆولەيبولشى بار.
«24-31 مامىر كۇندەرى استانامىزدا قازاقستان چەمپيوناتىنىڭ ءبىرىنشى تۋرى باستالادى.بۇگىنگى ءتۋرنيرىمىز سول بىرىنشىلىككە دايىندىق دەپ ايتۋىمىزعا بولادى», – دەدى م.ابەنوۆ.
بۇگىنگى باسەكەدە جالپى سانى 4 كوماندا ونەر كورسەتتى.
«2019 جىلى ناۋرىز ايىندا استانا قالاسىندا 3 اۆتوبۋستىڭ سوقتىعىسقانىن بارلىقتارىڭىز ەستىگەن بولارسىزدار.مىنە سول جول-كولىك اپاتىندا ءبىر اياعىمنان ايىرىلدىم. الايدا مۇنى سىناق دەپ قابىلداپ, العا ۇمتىلۋدى جالعاستىردىم. مەكتەپ كەزدە ۆولەيبولدى جاقسى ويناعان ەدىم. كوپ ويلانباي, 2020 جىلى وسى سپورت تۇرىنە كەلدىم. 4 جىل ىشىندە ءوزىمدى جاقسى قىرىمنان كورسەتىپ, كوماندانىڭ كاپيتانى اتاندىم. ەلىمىزدە بىزدەن باسقا ايەلدەر كومانداسى جوق.بىراق ءبىز چەمپيوناتتا ەرلەرمەن بىرگە سايىسقا تۇسەمىز. 2023 جىلى العاش رەت پارا ازيا چەمپيوناتىنا قاتىسىپ, ۇلكەن تاجىريبە جينادىق. وسى جىلى ءبىرىنشى رەت ومبى قالاسىندا وتەتىن حالىقارالىق دوداعا قاتىسپاقشىمىز», – دەپ ايەلدەر كومانداسىنىڭ كاپيتانى فاريدا كابۋلوۆا ءوز ويىمەن ءبولىستى.
ايتا كەتەيىك, اتالمىش پارا سپورتشىلار تەك قانا وتىرىپ وينايتىن ۆولەيبولدا عانا ەمەس, پارا كانوە, پارا حوككەي, بوچچا ت.ب بىرنەشە پارا سپورت تۇرلەرىمەن اينالىسىپ كەلەدى.
