بيىلعى قىستا ەلورداداعى ءبىراز جەكە ۇيلەر كوگىلدىر وتىنمەن جىلىتىلادى. وسى باعىتتا جۇرگىزىلىپ جاتقان جۇمىستاردى نۇر-سۇلتان قالاسىنىڭ اكىمى التاي كولگىنوۆ ءوزى كورىپ, تۇرعىندارمەن كەزدەستى.
– قازىرگى كۇنى «جەلەزنودوروجنىي» – 100, «پرومىشلەننىي» – 80, «كوكتال-1» ەلدى مەكەندەرى 70 پايىز گازبەن قامتىلدى. «كوكتال-2» ەلدى مەكەنىندە ەكى كوشە عانا قالدى. بۇل جۇمىستار «اگروقالاشىق», «وڭتۇستىك-شىعىس» ەلدى مەكەندەرىندە دە جۇرگىزىلۋدە. ەندى گاز جەلىلەرىن جەكە ۇيلەرگە جەتكىزۋ جۇمىستارى «كوكتال-1/2», «جەلەزنودوروجنىي», «پرومىشلەننىي», «اگروقالاشىق» تۇرعىندارى ءۇشىن (تىلەنديەۆ داڭعىلى – كوكتال – ت/ج جولى – بوكەەۆ كوشەسى شەكاراسىندا) ۇيلەردى گازبەن جابدىقتاۋ جەلىلەرىنە قوسۋعا تەحنيكالىق شارتتى بەرۋدىڭ تەگىن ءراسىمى باستالدى. ول ءۇشىن بولاشاق, 4/2 جانە ج.جاباەۆ, 12/2 كوشەسىندە فرونت-كەڭسەلەر اشىلدى, – دەدى قالا باسشىسى.
سونداي-اق اتالعان ەلدى مەكەندەر, ونىڭ ىشىندە «اگروقالاشىق», «وڭتۇستىك-شىعىس» تۇرعىندارىنىڭ قوسىپ الۋىنا مۇمكىندىك بار.تۇرعىندار ءۇشىن تەگىن ەسەپتەگىشتەر قاراستىرىلعان. ەلوردانى گازداندىرۋدىڭ ءوزى ءۇش كەزەڭنەن تۇرادى. كۇزدە ەلورداداعى №1-2 جىلۋ ەلەكتر ورتالىعى «كوگىلدىر وتىنعا» اۋىسپاق.
