كوك تۋدى جەلبىرەتتى
![](https://astana-akshamy.kz/wp-content/uploads/2021/12/211209203438365e.jpg)
قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي اسكەري-اۋە كۇشتەرى ارميا اۆياتسياسىنىڭ جاۋىنگەرلىك تىكۇشاقتارى كوك اسپاندا تاۋەلسىز ەلىمىزدىڭ سيمۆولى – مەملەكەتتىك تۋدى قالىقتاتىپ الىپ ۇشتى. وسىلايشا, ەڭ ۇزدىك ۇشقىشتار ەكيپاجدارى «مەنىڭ تۋىم – مەنىڭ وتانىم» اكتسياسىنا قاتىستى.
ۇشقىش-مەرگەندەر – ااك ارميا اۆياتسياسىنىڭ باستىعى, پولكوۆنيك نۇرلان بايدۋللاەۆ, اۆياتسيا بازاسىنىڭ كومانديرى, پولكوۆنيك ماقسۇتبەك ادىلباەۆ مي-171ش تىكۇشاعىمەن ەلوردا اسپانىندا قازاقستاننىڭ مەملەكەتتىك تۋىن قالىقتاتىپ الىپ ۇشتى. بۇل كورىنىستى ورىنداۋدا ولارمەن تاجىريبەلى ۇشقىشتار مەن شتۋرماندار باسقارعان مي-17 بۇرامالى قاناتتى تىكۇشاقتار اۋەدە ىلەسىپ ۇشتى.
«تۋ – ءار مەملەكەتتىڭ باستى سيمۆولدارىنىڭ ءبىرى, ەلدىڭ ەگەمەندىگى مەن بىرتۇتاستىعىنىڭ بەلگىسى. قازاقستان حالقى ءۇشىن ماڭىزدى مەرەكە – تاۋەلسىزدىك كۇنىن مەرەكەلەۋ قارساڭىندا وقۋ-جاتتىعۋ ۇشۋلارىن ورىنداۋ ارقىلى اكتسياعا قاتىسۋدى ءجون كوردىك» دەدى اسكەري-اۋە كۇشتەرىنىڭ قولباسشىسى, پولكوۆنيك نۇربولات توپاەۆ.