«كوكتال-1» تۇرعىندارىمەن كەزدەستى
![](https://astana-akshamy.kz/wp-content/uploads/2021/10/248483973_4467418250009370_8729402393283320076_n-1.jpg)
سارىارقا اۋدانىنىڭ اكىمى ەسەت بايكەن «كوكتال-1» تۇرعىن الابى حالقىمەن كەزدەستى. جيىنعا نۇر-سۇلتان قالاسى ءماسليحاتىندا وسى اۋماققا بەكىتىلگەن دەپۋتات تالعات قوجاحمەتوۆ قاتىستى. اۋدان باسشىسى وسى ۋاقىتقا دەيىن اتقارىلعان جۇمىستار جايلى بايانداپ, الداعى جوسپارلارمەن ءبولىستى. تۇرعىنداردىڭ سۇراقتارىنا جاۋاپ بەردى.
وسى جىلى «كوكتال-1» تۇرعىن الابىندا بىرقاتار ماسەلەلەر شەشىلىپ, جوسپارلار جۇزەگە استى. اتاپ ايتقاندا, ەكى قوعامدىق كەڭىستىك سالىنىپ, 14 كوشەگە اسفالت توسەلدى. ا.كەنجين كوشەسىندە تروتۋار جاسالدى. ءا.مارعۇلان اتىنداعى №40 مەكتەپ-ليتسەي الدىنداعى جاياۋ جۇرگىنشىلەر وتكەلىندە اۆتوكولىكتەردىڭ تۇراعىنا جانە اۋىر جۇك كولىكتەرىنىڭ قوزعالىسىنا تىيىم سالۋ بەلگىسى قويىلدى. تۇرعىن الاپتىڭ اۋماعىنا 182 اعاش وتىرعىزىلدى. 8 كوشەگە جارىق تارتىلدى.
قازىر «كوكتال-1» تۇرعىن الابىنا گاز تولىقتاي كەلىپ تۇر. 916 تۇرعىن تەحنيكالىق شارتتاردى السا, ناقتى 306 تۇرعىن ءۇي گازعا قوسىلدى. گازعا قوسىلۋ جۇمىستارى قىرقىندى جۇرگىزىلۋدە.
سونداي-اق تۇرعىن الاپتا 3 اۋلانى اباتتاندىرۋ جانە 3 جىلى ايالدامانى ورنالاستىرۋ جۇمىستارى جۇرگىزىلۋدە.
سونىمەن قاتار «كوكتالعا» قاتىنايتىن قوعامدىق كولىكتەردى كوبەيتۋ, قىزمەت كورسەتۋ ساپاسىن كوتەرۋ, جىلى ايالدامالاردى ورنالاستىرۋ, باسقا دا ماڭىزدى ماسەلەلەر بويىنشا «جول كارتاسى» بەكىتىلىپ, جۇمىستار جاسالۋدا.
«كوكتال-1» تۇرعىن الابىندا «نۇر-بەسىك» شاعىن اۋدانى جانە اعاش ەگۋ ۋچاسكەسىنىڭ (لپۋ) ءبىر بولىگى ورنالاسقان. مۇندا 1300-دەن استام ادام تۇرادى. تۇرعىن الاپتاردى دامىتۋدىڭ كەشەندى جوسپارىنىڭ اياسىندا بۇل اۋماقتاعى كۇردەلى ماسەلەلەردىڭ شەشىلۋى قاراستىرىلعان.