ەلوردا كوركىنىڭ سۇلۋلىعىنا ءسان قوساتىن تاعى ءبىر ساياباق «كوكتال» تۇرعىن الابى تۇرعىندارىنىڭ سەرۋەندەپ, دەمالىپ, سپورتپەن شۇعىلدانۋىنا مۇمكىندىك بەرەتىن بولادى.
«نۇر-سۇلتان – جايلى قالا» جوباسى اياسىندا سالىنىپ جاتقان بۇل ساياباق ءۇش ايماقتان تۇرادى. ونىڭ ىشىندە تىنىش دەمالىس ايماعى, امفيتەاتر, فۋتبول, ۆولەي̆بول, باسكەتبول, تەننيس, سكەي̆تبورد جانە ي̆وگا الاڭدارى بولادى. ساياباق اۋماعىندا 8 مىڭ اعاش وتىرعىزۋ دا جوسپارلانىپ وتىر.
«تۇرعىندارمەن كەزدەسۋلەردە, ازاماتتاردى قابىلداۋ بارىسىندا ولار ساياباقتار مەن تىنىمباقتاردى اباتتاندىرۋ ماسەلەسىن ءجيى كوتەرەدى. سوندىقتان تۇرعىندار الابىن دامىتۋعا كوپ كوڭىل بولەمىز. قازىر قالادا 4 ءىرى دەنە شىنىقتىرۋ-ساۋىقتىرۋ كەشەنىن سالىپ جاتىرمىز. بۇل بۇقارالىق سپورتتى دامىتىپ, جاستاردىڭ دەنساۋلىعىن نىعايتۋعا كومەكتەسەتىن بولادى. بۇل ساياباقتار تۇرعىنداردىڭ سۇيىكتى ورىندارىنىڭ بىرىنە اينالۋى ءۇشىن جۇمىستى ساپالى ورىنداۋ قاجەت. اۆتوماتتى سۋارۋ ءجۇيەسىن ويلاستىرۋ كەرەك» دەپ جازدى ەلوردا اكىمى التاي كولگىنوۆ الەۋمەتتىك جەلىدەگى پاراقشاسىندا.
