ءبىزدىڭ ەلىمىزدە 30-عا جۋىق ۇلتتىق, مەملەكەتتىك جانە كاسىبي مەرەكەلەر بار. بىراق سولاردىڭ ىشىندە كونستيتۋتسيا مەرەكەسىن بيىكتەۋ كورەمىن. سەبەبى كونستيتۋتسيادا – مەملەكەتىمىزدىڭ قۇقىقتىق, ەكونوميكالىق, الەۋمەتتىك جانە ت.ب. ماسەلەلەر قاراستىرىلعان. بارلىق زاڭ – كونستيتۋتسيادان باستاۋ الادى.
كونستيتۋتسيادا زايىرلى, قۇقىقتىق- دەموكراتيالىق مەملەكەت قۇرامىز دەگەن ۇلكەن مىندەتتەر قويىلدى. ارينە, كەيبىرەۋلەر بۇعان قاناعاتتانا بەرمەيتىن جاعدايلار بولادى. بىراق مىنا ماسەلەنى ەسكەرۋىمىز كەرەك: باتىستىڭ كەيبىر ەلدەرىنىڭ كونستيتۋتسيالارىن قابىلداعانىنا عاسىرلار بولدى. ال ءبىزدىڭ كونستيتۋتسيامىزعا 25 جىل تولىپ وتىر. جانە وسىنداي ۋاقىتتا ءبارى بولا قالمادى دەپ كۇتۋدىڭ ءوزى دە استامشىلىق. مەن بۇگىنگى قوعامىمىزدان بەلگىلى ءبىر ساياسي, الەۋمەتتىك وزگەرىستەردىڭ نىشانىن بايقاپ, ەلدىڭ كەلەشەگى مەن كونستيتۋتسيانىڭ بولاشاعى جارقىن بولادى دەپ سەنەمىن. شىن مانىندە, كۇندەردىڭ كۇنى كونستيتۋتسيادا كورسەتىلگەن تەڭدىك, ىنتىماق, تاتۋلىق سەكىلدى ءۇش ۇعىمنىڭ بيىگىنەن كورىنەمىز دەپ ويلايمىن.
سوندىقتان جۇرتشىلىقتى, گازەت وقىرماندارىن قاسيەتتى دە, ساياسي كۇنمەن قۇتتىقتاپ, بارلىق وتباسىعا اماندىق, دەنساۋلىق, باقىت تىلەيمىن!
ابدىجالەل باكىر,
قوعام قايراتكەرى
