ەلورداداعى «جانۇيا» وتباسى ينستيتۋتىن قولداۋ ورتالىعى «باقىتتى وتباسى» قاناتقاقتى جوباسىمەن بىرگە ەلوردا تۇرعىندارىنا ارناپ مەرەكەلىك جيىن وتكىزدى.
تاۋەلسىزدىك كۇنىنە ورايلاستىرىلعان جيىنعا ەلوردالىق كوپبالالى انالار, ەرەكشە قاجەتتىلىگى بار بالا تاربيەلەپ وتىرعان اتا-انالار, ەرىكتىلەر, قوعام بەلسەندىلەرى جانە ءار سالادا جەتىستىككە جەتكەن تابىستى قىز-كەلىنشەكتەر قاتىستى.
«حالىقتىڭ الەۋمەتتىك وسال توپتارىنان شىققان ايەلدەردى قولداۋ جانە ىنتالاندىرۋ, مەملەكەتتىڭ نەگىزى بولىپ سانالاتىن وتباسىن ناسيحاتتاۋ ماقساتىندا مەملەكەت قولداۋىنا مۇقتاج ەلوردالىقتارعا ارناپ ەرەكشە فورماتتا مەرەكەلىك باسقوسۋ ۇيىمداستىردىق. انالارعا قولداۋ ءبىلدىرىپ, رۋحاني كۇش-جىگەر بەرۋ ءۇشىن ءار سالادا تابىستى ەڭبەك ەتىپ جۇرگەن ايەلدەردى دە شاقىردىق» دەيدى «جانۇيا» وتباسى ينستيتۋتىن قولداۋ ورتالىعىنىڭ ديرەكتورى اسەمگۇل سادىر. اتالمىش ورتالىق قيىن جاعدايعا تاپ بولعان ەلوردالىق تۇرعىندارعا قول ۇشىن بەرۋمەن اينالىسادى. قازىرگى تاڭدا ورتالىقتا 28 قىزمەت ءتۇرى كورسەتىلەدى.
