كەشە ق.قۋانىشباەۆ اتىنداعى مەملەكەتتىك اكادەميالىق قازاق دراما تەاترىندا ەلوردالىق تىلدەردى دامىتۋ جانە ارحيۆ ءىسى باسقارماسىنىڭ ۇيىمداستىرۋىمەن «ءتىل شەبەرى-2018» كوركەمسوز وقۋ شەبەرلەرىنىڭ قالالىق بايقاۋى ءوتتى.
بۇل جولعى بايقاۋ تارتىمدى بولدى. ۇمىتكەرلەر قازاق ادەبيەتىندەگى شوقتىعى بيىك اقىن-جازۋشىلاردىڭ شىعارمالارىن تىڭدارماندارعا تاماشا جەتكىزدى. ولاردىڭ كوركەمسوزدى وقىعانداعى داۋىس مانەرى مەن ءتىل تازالىعى كورەرمەندى ءسۇيسىندىردى. ساحنادا وزدەرىن ەركىن ۇستاپ, قويىلعان سۇراقتارعا دا تياناقتى جاۋاپ بەردى. قىسقاسى, جاستار جارىسقا تاس ءتۇيىن دايىندالىپ كەلگەن. وسى جولى جۇلدەگەرلەردى انىقتاۋ قازىلار قۇرامىنا وڭاي تيمەدى. بىراق بايگەنىڭ اتى – بايگە. قاشاندا «جۇزدەن جۇيرىك, مىڭنان تۇلپار» شىعاتىنى كادىك. سونىمەن, سايىس قورىتىندىسى بويىنشا ءبىرىنشى ورىندى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتى قۇلپىناي ومىربەكوۆا جەڭىپ الدى. ەكىنشى ورىندى اتالعان ۋنيۆەرسيتەتتىڭ تۇلەگى ابزال ورىنباساروۆ يەلەندى. ءۇشىنشى ورىن قالالىق اكىمدىكتىڭ مامانى اسەم مىرقايداروۆاعا بۇيىردى. جۇلدەگەرلەردىڭ ءبارى باعالى سىيلىقتارمەن ماراپاتتالدى. ۇزدىك شىققان جەڭىمپاز رەسپۋبليكالىق كوركەمسوز شەبەرى بايقاۋىنا جولداما الدى.
