استانا اكىمدىگى «ەكسپو-2017» حالىقارالىق مامانداندىرىلعان كورمەنىڭ مادەني باعدارلاماسىن ازىرلەدى. ويىن-ساۋىق شارالاردىڭ 70 پايىزى اشىق الاڭدا وتكىزىلىپ, قالا شەتىندەگى تۇرعىن ءۇي الاپتارىن قامتىماق.
اكىمدىك كورمەگە 647 مادەني-بۇقارالىق شارالاردى ورايلاستىردى. قالا تۇرعىندارى مەن قوناقتارى كورمەنىڭ رەسمي اشىلۋ سالتاناتىن جانە جابىلۋ ءراسىمىن تىكەلەي ەفيردەن تاماشالاۋعا مۇمكىندىك الادى. ۇلكەن LED ەكراندار «بايتەرەك» مونۋمەنتىنىڭ الاڭىندا, قالالىق الاڭدا جانە ستۋدەنتتەر ساياباعىندا ورناتىلماق. «Astana Art Fest», «استانا سامالى», «سەرپەر», «ساحنادان سالەم» سىندى ءداستۇرلى شارالاردان بولەك, ەلوردالىقتار مەن مەيماندار كۆن ويىندارىنىڭ جازعى كۋبوگىنا, ە.پليۋششەنكونىڭ قاتىسۋىمەن وتەتىن مۇز ايدىنىنداعى مانەرلەپ سىرعاناۋ شوۋىنا, قىتايلىق «Kungfu revelations» شوۋىنا قاتىسا الادى. بيلەتتەر www.koncertyastany.kz سايتىندا ساتىلادى. ايتا كەتەيىك, شارالاردىڭ باسىم بولىگى كىشى جانە ورتا بيزنەس وكىلدەرىنىڭ قولداۋىمەن ۇيىمداستىرىلادى.
گۇلدانا تالعاتقىزى
