كوشباسشى ايەل – تابىستى ايەل
«جانۇيا» وتباسى ينستيتۋتىن قولداۋ ورتالىعىندا قوعامدىق دامۋ ىستەرى باسقارماسى مەن «قازاقستان دامۋ قاۋىمداستىعى» زاڭدى تۇلعالار بىرلەستىگى ايەلدەر كوشباسشىلىعى مەكتەبىنىڭ ءۇشىنشى وتىرىسىن ۇيىمداستىردى.
ايەلدەردىڭ كوشباسشىلىق قاسيەتتەرىن شىڭداپ, ءوز قۇقىقتارى مەن مۇمكىندىكتەرىن جۇزەگە اسىرۋداعى ءبىلىمىن ارتتىرۋعا سەپتىگى تيەتىن جيىن بارىسىندا تانىمال بيزنەس ترەنەر, رەسپۋبليكالىق دەڭگەيدەگى كوۋچ ەمين اسكەروۆ الەۋمەتتىك كاسىپكەرلىك تاقىرىبىندا ترەنينگ وتكىزدى. گەندەرلىك مادەنيەتتى قالىپتاستىرۋ ماقساتىندا ۇيىمداستىرىلعان شاراعا ءتۇرلى سالادا ەڭبەك ەتىپ جۇرگەن ايەلدەر, كوپبالالى انالار قاتىستى. ەمين اسكەروۆ الەۋمەتتىك كاسىپكەرلىكتىڭ ماقساتى – تابىس تابۋ ەمەس, الەۋمەتتىك ماسەلەلەردى شەشۋ ەكەنىن, مۇمكىندىگى شەكتەۋلى بالالاردىڭ دا بولاشاعى بار ەكەنىن, ولاردى ەڭبەككە باۋلىپ, ورتاعا بەيىمدەپ, ولارعا ءوز كاسىبىن باستاۋىنا كومەك كورسەتەتەتىندەرىن ايتتى.
جادىرا مۇراتبەكوۆا