ەلوردا اكىمدىگى كليمات ماسەلەلەرى سالاسىنداعى كوشباسشى ايەلدەردىڭ كەلەسى بۋىنىن قولداۋ ءۇشىن مەنتورلىقتىڭ جاڭا باعدارلاماسى ىسكە قوسىلعانىن حابارلايدى. نۇر-سۇلتان C40 Women4Climate تالىمگەرلىك باعدارلاماسىنا قاتىساتىن الەمدەگى 17-ءنشى, ال تمد مەن ورتالىق ازياداعى العاشقى قالا بولادى.
باعدارلاما اياسىندا 10 پەرسپەكتيۆالى كوشباسشى-ايەل مەنتورلارمەن, جەكە جانە مەملەكەتتىك سەكتوردىڭ ءتۇرلى سالالارىنداعى كوشباسشى ايەلدەرمەن جۇمىس ىستەيتىن بولادى. «نۇر-سۇلتان Women4Climate جەلىسىنە قوسىلاتىن تمد جانە ورتالىق ازيا ايماعىنداعى العاشقى قالا بولاتىنىن قۋانا حابارلايمىز. بۇل باعدارلاما ءوز ۋاقىتىندا ىسكە قوسىلىپ وتىر. سەبەبى ءبىز قالا دەڭگەيىندە تۇراقتى دامۋ ماقساتتارىنا قول جەتكىزۋگە ۇمتىلامىز. ەكولوگيالىق تۇرعىدان ورنىقتى دامۋدى قامتاماسىز ەتۋ باسىمدىقتارىمىزدىڭ ءبىرى سانالادى. بيىل جاياۋ جۇرگىنشىلەرگە ەلوردادا كولىك پايدالانۋدى ازايتۋ ءۇشىن قولايلى جاعداي جاساۋ ماقساتىندا جۇمىس ىستەپ جاتىرمىز. قازىر بۇل باستامانىڭ وڭ ناتيجەسىن كورىپ وتىرمىز» دەدى نۇر-سۇلتان قالاسىنىڭ اكىمى التاي كولگىنوۆ.
تالىمگەرلىك باعدارلاماسىنا قاتىسۋ ءۇشىن ساۋالناما 17 تامىزدا c40.org سايتىندا اشىلدى. تالىمگەرلىك باعدارلاماسى قالادا تۇراقتى دامۋ مەن كليماتتىڭ وزگەرۋىن بەلگىلەۋگە ىقپال ەتەتىن جەرگىلىكتى جوبالار مەن شەشىمدەر پروتسەسىن جەدەلدەتۋ ءۇشىن قالالاردى ايەلدەرگە قولايلى ەتۋگە جاردەم بەرەدى. تابىستى جوبالار بارلىق ازامات ءۇشىن ينكليۋزيۆتى ناتيجەلەردى قامتاماسىز ەتۋگە قابىلەتتى. تالىمگەرلىكتەن بولەك, اتالمىش باعدارلاما ايەلدەرگە كليماتتىڭ وزگەرۋى تۋرالى ءبىلىمىن كەڭەيتۋگە, سونداي-اق قاشىقتان وقىتۋ جانە نەتۆوركينگ مۇمكىندىكتەرىن قامتاماسىز ەتۋ ارقىلى كوشباسشىلىق داعدىلارىن جاقسارتۋعا قولداۋ كورسەتەدى. «ءبىز نۇر-سۇلتان قالاسىنىڭ Women4Climate تالىمگەرلىك باعدارلاماسىنا قاتىسىپ جاتقانىنا قۋانىشتىمىز. ورتالىق ازيانىڭ ەڭ جىلدام دامىپ كەلە جاتقان قالالارىنىڭ ءبىرى – نۇر-سۇلتان ەكونوميكالىق ءوسۋدى ينكليۋزيۆتى كليماتتىق ارەكەتتەرمەن نىعايتۋ مۇمكىندىگىنە يە. مۇنداي ۇلكەن قالانىڭ نازىك جاندىلاردى كليمات سالاسىنداعى جوسپارعا ەنگىزىپ, مۇمكىندىك بەرەتىنى قۋانتادى» دەدى C40 Cities جاھاندىق كوشباسشىلىعىنىڭ جەتەكشىسى دجەين لۋمۋمبا.
قازىرگى ۋاقىتتا تالىمگەرلىك باعدارلامالار ادديس-ابەبا, وكلەند, بارسەلونا, فريتاۋن, ليسسابون, ليما, لوندون, مەحيكو, مونرەال, جاڭا ورلەان, پاريج, كيتو, تەل-اۆيۆ-ياففا, سيدنەي, تورونتو جانە ۆانكۋۆەر سياقتى قالالاردا بار.
