دەمالىس كۇندەرى ەلىمىزدىڭ باسىم بولىگىندە اۋا رايى جىلىنادى. بۇل جونىندە قازگيدرومەت ءمالىم ەتتى.
مامىر ايىندا اۋا رايىنىڭ قۇبىلمالى بولۋى وسى ايدىڭ ءداستۇرلى ەرەكشەلىگى دەسە بولادى. بيىل دا سول ءۇردىس ساقتالىپ وتىر. ەلىمىزدىڭ سولتۇستىك جانە ورتالىق وبلىستارىندا تۇنگى ۇسىكتەر جاقىن تاۋلىكتەردە وڭتايلى تەمپەراتۋراعا اۋىسىپ, دۇيسەنبىدە تۇنگى اۋا تەمپەراتۋراسى +7…15°س بولادى دەپ كۇتىلۋدە. الداعى ءۇش تاۋلىكتە شىعىس وبلىستاردا انتيتسيكلوننىڭ اسەرىنەن مۇندا جاڭبىرسىز, بىراق كەي جەرلەردە اۋا تەمپەراتۋراسى 1…3º دەيىن تومەندەيدى. ەۋروپالىق رەسەيدىڭ وڭتۇستىك اۋماعىنان جىلجىعان تسيكلوندار قازاقستانعا اۋىسىپ, ولار شىعىسقا قاراي جىلجي وتىرىپ, جاڭبىر شاقىرىپ, كەي جەرلەردە نايزاعاي وينايدى, ەكپىندى جەل الدىمەن رەسپۋبليكامىزدىڭ باتىسىندا, سودان كەيىن سولتۇستىگى مەن ورتالىعىندا, وڭتۇستىگىندە بولادى دەپ بولجانۋدا. وڭتۇستىك-باتىس تروپوسفەرلىق اعىنداردىڭ اسەرىنەن اۋا تەمپەراتۋراسى جوعارىلايدى دەپ كۇتىلۋدە.
ەلوردامىز – استانا قالاسىندا بۇگىن جاۋىن-شاشىنسىز اۋا رايى قالىپتاسىپ, اۋا تەمپەراتۋراسى تۇندە +6-8°س, ال كۇندىزگى ۋاقىتتا +20-22°س دەيىن كوتەرىلەدى. ال ەرتەڭ 21 مامىر كۇنى جىلى اۋا رايى ساقتالىپ كۇندىز +24-26°س دەيىن جىلىنادى دەپ بولجاپ وتىر قازگيدرومەت ماماندارى.
