استانادا مۇمكىندىگى شەكتەۋلى بالالارعا ارنالعان «Kunshyaq» اتتى ويىن الاڭى اشىلدى. قالا اكىمدىگى مەن «روتاري-كلۋب استانا» قوعامدىق بىرلەستىگىنىڭ باستاماسىمەن قۇرىلعان ينكليۋزيۆتى پلاتفورما «قازاقستان» سپورت كەشەنى الدىنداعى الاڭدا ورىن تەپتى.
الاڭدا 42 ءتۇرلى قۇرال-جابدىق بار. اربا-ورىندىعىمەن بىرگە شىعا الاتىن مۇمكىندىگى بار ويىن كەشەندەرى, قاۋىپسىز اتكەنشەكتەر, لايىقتالعان قۇم-ورىندىقتار, ارنايى تاكتيلدى پانەلدەر ورناتىلعان.
«استانا قالاسى اكىمدىگىنىڭ اتىنان وسى الاڭنىڭ اشىلۋىنا قاتىسقانداردىڭ بارلىعىنا العىسىمدى ايتقىم كەلەدى. الاڭ – وتە ىڭعايلى جانە قالا ءۇشىن وتە قاجەت ورىن. مۇنداي جوبالار قالادا ءالى دە كوبەيە تۇسپەك. شاھاردا تەك قاۋىپسىزدىكتى عانا قامتاماسىز ەتەتىن ەمەس, بارلىق تۇرعىندار ءۇشىن دە ارنايى باعدارلامالار بار. بۇل جوبا كوزگە ايتارلىقتاي تۇسەدى دەپ ويلايمىن. ءبىزدىڭ بالالارىمىزدى اكىمدىك دايىنداپ وتىرعان تاعى ءبىر سىيلىق كۇتىپ تۇرعانىن حابارلاي كەتكىم كەلەدى» دەدى الاڭنىڭ سالتاناتتى اشىلۋىندا استانا قالاسى اكىمىنىڭ ورىنباسارى ەرمەك امانشاەۆ.
