جاقىندا مەملەكەتتىك تاپسىرىسپەن ومىردەن ەرتە وتكەن, بەلگىلى اقىن مارفۋعا بەكتەمىروۆانىڭ تاڭدامالى شىعارمالارىنىڭ ەكى تومدىعى جارىق كوردى.
ءبىرىنشى تومعا اقىننىڭ نازىك سەزىمگە تولى سىرشىل دا ويلى جىرلارى مەن پوەمالارى توپتاستىرىلعان.
ەكىنشى تومعا مەملەكەتتىك سىيلىقتىڭ لاۋرەاتى نەسىپبەك ايتۇلى, فيلولوگيا عىلىمىنىڭ دوكتورى ساۋلە تاپانوۆا, پروفەسسور جانات اسكەربەكقىزى, م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى قازاقستانداعى فيليالىنىڭ فيلولوگيا كافەدراسىنىڭ مەڭگەرۋشىسى, فيلولوگيا عىلىمىنىڭ دوكتورى گالينا ۆلاسوۆا سەكىلدى عالىمداردىڭ مارفۋعا بەكتەمىروۆانىڭ شىعارماشىلىعى جونىندە ادەبي تۇرعىدان جان-جاقتى تالداۋ جاساعان پىكىرلەرى جاريالانعان. سونداي-اق وسى تومعا اقىننىڭ فيلوسوفيالىق, اسەرلى تورتتاعاندارى مەن تارتىمدى اڭگىمەلەرى مەن وقشاۋ ويلارى, ورىس تىلىنە اۋدارىلعان ولەڭدەرى دە ەنگىزىلگەن.
ءبىر سوزبەن ايتقاندا, تالانتتى اقىننىڭ تاربيەلىك ءمانى زور تەرەڭ مازمۇندى, شەبەر تىلمەن جازىلعان تاعىلىمدى شىعارمالارى وقىرمانداردىڭ كوڭىلىنەن شىعادى دەپ ويلايمىز.
