قارتتار كۇنىنە وراي ەلوردادا وتەتىن شارالار
نۇر-سۇلتاندا ارداگەرلەر مەن زەينەتكەرلەرگە قامقورلىق جاساۋعا ۇلكەن كوڭىل بولىنەدى. قامقورشىلىق قورلارى بار, ەرىكتىلەر جالعىزباستى زەينەتكەرلەردى نازاردان تىس قالدىرمايدى, قارتتارعا ارنالعان ءتۇرلى اكتسيالار وتكىزىلەدى.
تاۋەلسىزدىك سارايىندا كەلەسى ءىس-شارالار كۇتىلۋدە:
30 قىركۇيەكتە ساعات 10:00-دەن 17:00-گە دەيىن تاۋەلسىزدىك سارايى قورىنان «كۇز بوياۋلارى» اتتى سۋرەت كورمەسى وتەدى.
1 قازاندا قارتتار مەن مۇگەدەكتەرگە ارنالعان مەديتسينالىق-الەۋمەتتىك مەكەمە ءۇشىن «قارتتارىن قادىرلەگەن ەل ارداقتى» اتتى كوشپەلى كورمە جوسپارلانعان. وتەتىن جەرى: اققورعان كوشەسى, 2.
10.00-دەن 17.00-گە دەيىن مۇگەدەكتەر مەن ارداگەرلەر وداعىنا اقىسىز ەكسكۋرسيا وتەدى.
Nomad City Hall 1 قازان كۇنى ساعات 18.30-دا ج.شايحيسلامۇلىنىڭ «قىز جىبەك» سپەكتاكلىن كورسەتەدى.
تريۋمفالدى اركا 1 قازاندا الەۋمەتتىك جەلىلەردە حالىقارالىق قارتتار كۇنىنە ارنالعان بەينەروليك ۇسىنادى.
4 قازاندا «جاستار» تەاترلارى «…ۋۆيدەت بى تەبيا, وتروك ۆليۋبلەننىي» ساحنالىق سيۋجەتىن تۇسىرىلىمنەن ءۇزىندى كورسەتەدى. ۆيدەونى الەۋمەتتىك جەلىلەردەن كورۋگە بولادى.
ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى 1 قازاندا ساعات 10.00-دە تەاتردىڭ Instagram, Facebook, YouTube.com سايتتارىنداعى رەسمي پاراقشالارىندا ۇجىمنىڭ قارتتار كۇنىنە ارنالعان قۇتتىقتاۋ بلوگىن كورسەتەدى. 17.00-دە تەاتردىڭ YouTube كانالىندا «كەش» سپەكتاكلىنىڭ تىكەلەي ەفيرى بولادى.
«ناز» مەملەكەتتىك بي تەاترى 1 قازاندا ساعات 15.00-دە «قاريالار – حالىق قازىناسى» قارتتار كۇنىنە ارنالعان شاراسىن وتكىزەدى.
1 قازاندا نۇر-سۇلتان اكىمدىگىنىڭ ورتالىقتاندىرىلعان كىتاپحانالار جۇيەسىندە بىرقاتار كەزدەسۋلەر مەن كورمەلەر وتەدى دەپ كۇتىلۋدە.
بەيبىتشىلىك جانە كەلىسىم سارايى 1 قازان كۇنى سارايدىڭ زەينەتكەرلەرىنە «قارتى باردىڭ قازىناسى بار» تاقىرىبىندا ەكسكۋرسيا وتكىزەدى. حالىقارالىق مۋزىكا كۇنىنە جانە قارتتار كۇنىنە وراي «تۋعان جەر» بالالار ستۋدياسىنىڭ بۇلدىرشىندەرى س.ەركىمبەكوۆتىڭ «دوبرايا مەچتا» قۇتتىقتاۋ ءانىن ورىندايدى.
م.گوركي اتىنداعى مەملەكەتتىك اكادەميالىق ورىس دراما تەاترى 1 قازاندا ساعات 18.00-دە ۋ.اپرەلسكايامەن تىكەلەي ەفير وتكىزەدى. ساعات 19.00-دە تەاتردىڭ YouTube كانالىندا ر.بەردىڭ «سمەشاننىە چۋۆستۆا» سپەكتاكلىنىڭ تىكەلەي ەفيرى كۇتىلۋدە.
ساكەن سەيفۋللين مۇراجايى Instagram-داعى @Seifullin_museum, @bizbirgemiz اككاۋنتتارىنداعى «ارامىزدا جۇرسە ەكەن قارتتار امان» بەينەروليگىن كورسەتەدى.
قۋىرشاق تەاترى Instagram, Facebook, Youtube كانالىندا 1 قازاندا ساعات 11: 00-دە كىشكەنتاي كورەرمەندەردىڭ «مى ۆاس ليۋبيم» اتتى قۇتتىقتاۋ ۆيدەوسىن كورسەتەدى. «موي ليۋبيمىە بابۋشكا ي دەدۋشكا» اڭگىمەلەر بايقاۋىنىڭ ناتيجەلەرى 18.00-دە Instagram مەن Facebook پاراقشالارىندا جانە قۋىرشاقتاردىڭ مەرەكەلىك كونتسەرتى بولادى دەپ كۇتىلۋدە.
«الجير» مۇراجاي-مەموريالدىق كەشەنى «مالينوۆكا» ىزدەۋ كلۋبىنىڭ وكىلدەرى مەن مۇشەلەرىنىڭ قاتىسۋىمەن «امانات – «الجير» قق-مەن بىرلەسىپ 1 قازاندا «دوروگيە موي, ستاريكي!» تاقىرىبىندا ءىس-شارا وتكىزەدى.
1 قازاندا مەملەكەتتىك اكادەميالىق فيلارمونيا حالىقارالىق قارتتار كۇنىنە ارنالعان «قارتتارىن قادىرلەگەن ەل ارداقتى» «شالقىما» حالىق بي ءانسامبلىنىڭ ونلاين-قۇتتىقتاۋىن كورسەتەدى جانە «قارتتارىم – اسىل قازىنام» جالپىقالالىق ءىس-شاراسىنا قاتىسادى.