استانادا تۇرعىندار مەن قوناقتار دۇرىس دەمالۋ ءۇشىن ماسالارمەن كۇرەس بەلسەندى جالعاسۋدا.
بۇگىندە ەلوردالىق «دەزينفەكتسيا» جانە باتىس قازاقستاندىق «دەزينفەكتسيا» مەديتسينالىق مەكەمەسى باس شاھار اۋماعىندا جاندىكتەردى ۋلاۋ جۇمىسىن جۇرگىزۋدە. مامانداردىڭ ايتۋىنشا, وسى ۋاقىت ارالىعىندا ماسانىڭ سانى كوبەيەدى. ويتكەنى جاندىكتەر قىسقى ماۋسىمعا دايىندالادى.
ايتا كەتەيىك, قالادا ادامداردىڭ قولايلىلىعى ءۇشىن جاندىكتەردى ۋلاۋ تۇنگى مەزگىلدە وتەدى. ۋلاۋدا قولدانىلاتىن ءدارى-دارمەكتەردىڭ وزىنە ءتان ءيىسى بولعانمەن, ادام ومىرىنە قاۋىپتى ەمەس.
اي سايىن جاندىكتەردى ۋلاۋعا ناقتى شارالار قابىلداۋ ءۇشىن باقىلاۋ جۇرگىزىلەدى. مامانداردىڭ سوزىنە قاراعاندا, ماسالار شالشىق سۋلار جينالعان جەردە كوپ جۇرەدى. ءبىر مەزەتتە ماسانىڭ ۇرعاشىسى 130-دەن 250-گە دەيىن جۇمىرتقا سالادى. سوندىقتان جاندىكتەردىڭ جۇمىرتقالاۋىنا توسقاۋىل قويۋ ءۇشىن سۋى تاياز
جەرلەرگە ۋلاۋ جۇمىستارى كوپتەپ جۇرگىزىلەدى.
ماسالاردىڭ كوبەيۋ قاۋپى بار قالاداعى مۇنداي سۋ قۇبىرلاردىڭ سانى شامامەن 720 گەكتارلىق اۋماقتا 110-نان 115-كە دەيىن جەتەدى ەكەن.
