ەلوردالىق 400 پوليتسيا قىزمەتكەرى نۇر-سۇلتان قالاسىنىڭ جالپى ءبىلىم بەرۋ مەكتەپتەرىندە 12-21 ماۋسىم ارالىعىندا وتەتىن سالتاناتتى كەشتەردە ءتارتىپ پەن قاۋىپسىزدىكتى قاداعالايدى. بۇل تۋرالى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ قالا اكىمدىگىنىڭ رەسمي سايتى حابارلادى.
وسىعان بايلانىستى پوليتسيا قىزمەتكەرلەرى ءىس-شارالار وتكىزىلەتىن جەرلەردە قوعامدىق جانە جول قاۋىپسىزدىگىن ساقتاۋ جانە قامتاماسىز ەتۋ بويىنشا قاجەتتى شارالار قابىلداۋدا. ءار ءبىلىم بەرۋ ۇيىمىنا دەپارتامەنتتىڭ پوليتسيا قىزمەتكەرلەرى بەكىتىلگەن. «قوعامدىق ءتارتىپتى كۇزەتۋمەن قاتار, مەكتەپتى ءبىتىرۋ كەشتەرىندە تىكەلەي ءىس-شارالار وتەتىن ورىنداردىڭ جانىندا پاترۋلدىك پوليتسيا ناريادتارى كەزەكشىلىك ەتەدى. جول جانە قوعامدىق قاۋىپسىزدىكتى 400 پوليتسيا مەن 40 اۆتوپاترۋل جۇزەگە اسىراتىن بولادى» دەلىنگەن ۆەدومستۆونىڭ حابارلاماسىندا.
