ەلىمىزدە كەشەدەن باستاپ «مەكتەپكە جول» اكتسياسى باستالدى. بۇل اۋقىمدى شارا 30 قىركۇيەككە دەيىن جالعاسادى.
اكتسيا اياسىندا الەۋمەتتىك جاعىنان از قامتىلعان جانە كوپ بالالى وتباسىلار مەن اتا-انانىڭ قامقورلىعىنسىز قالعان جەتكىنشەكتەرگە جاڭا وقۋ جىلى قارساڭىندا ماتەريالدىق كومەك كورسەتىلەدى. بيىل شارا ءتۇرلى بولىمدەرگە بولىنگەن. ماسەلەن, «ءبىرىنشى سىنىپقا – ءبىرىنشى رەت» دەگەن شارا شەڭبەرىندە جوعارىدا ايتىپ وتكەن وتباسىلاردىڭ العاش مەكتەپ تابالدىرىعىن اتتاعان بالالارىنا سىيلىق بەرىلەدى. سونداي-اق, «قايىرىمدى جاندار» اكتسياسى ۇيىمداستىرىلادى. بالالاردى مەكتەپكە تارتۋ شاراسى وتكىزىلەدى. قالاداعى №27, 35, 59 ءبىلىم وردالارىندا تاڭعى 9.00-دەن كەشكى 18.00-گە دەيىن اتا-انالارعا ارنالعان قوعامدىق قابىلداۋ جۇمىس ىستەيدى. وسى تامىز شاھاردا جاڭا وقۋ جىلىنا ارنالعان مەكتەپ تاۋارلارىنا ارنالعان جارمەڭكە وتەدى. ايتا كەتەيىك, وتكەن جىلى اكتسيا اياسىندا 75,3 ملن قارجى جينالىپ, 6922 بالاعا كومەك كورسەتىلگەن.
