مەملەكەت باسشىسىنىڭ تاپسىرماسىن ىسكە اسىرۋ ماقساتىندا مەملەكەتتىك مۇلىكتى جەكەشەلەندىرۋدىڭ 2014-2016 جىلدارعا ارنالعان كەشەندى جوسپارى ناۋرىز ايىنىڭ سوڭىنا دەيىن قابىلدانادى. جەكەشەلەندىرۋ جوسپارى مەملەكەتتىك مەنشىكتىڭ قۇرامىن جانە قۇرىلىمىن وڭتايلاندىرۋ باعىتىندا مەملەكەتتىك مۇلىكتى باسقارۋ تيىمدىلىگىن ارتتىرۋ بويىنشا شارالاردى جۇزەگە اسىراتىن بولادى.

ۋكرايناداعى جاعدايعا قاتىستى قازاقستان رەسپۋبليكاسى سىرتقى ىستەر مينيسترلىگى مالىمدەمە جاريالادى. «قازاقستان ۋكرايناداعى وقيعالارعا بايلانىستى ەرەكشە الاڭداۋشىلىعىن بىلدىرەدى. شيەلەنىستىڭ ودان ءارى ءوربۋى ايماقتىق, سونداي-اق جاھاندىق اۋقىمداعى كۇتپەگەن ناتيجەلەرگە الىپ كەلۋى مۇمكىن. قازاقستان بارلىق تاراپتاردى جاعدايدى رەتتەۋ بارىسىندا كۇش قولدانۋ شەشىمدەردەن باس تارتۋعا جانە قالىپتاسقان ماسەلەنى كەلىسسوزدەر ارقىلى شەشۋ ماقساتىندا بارىنشا ساياسي كۇش-جىگەر تانىتۋعا شاقىرادى. بۇل شەشىم حالىقارالىق قۇقىقتىڭ فۋندامەنتالدى قاعيداتتارىنا نەگىزدەلۋى ءتيىس. بارلىق مۇددەلى تاراپتاردى جاعدايدى باعالاۋدا بايسالدى, ادىلەتتى بولۋعا جانە جاۋاپكەرشىلىك تانىتىپ, ۋكرايندىق داعدارىستى ۋشىقتىرۋعا سەبەپ بولاتىن ارەكەتتەردەن باس تارتۋعا شاقىرامىز» دەلىنگەن مالىمدەمەدە.