مەرەكە كۇندەرى ەلوردادا ەمحانالار مەن اۋرۋحانالار شتاتتىق رەجيمدە جۇمىس ىستەيدى.
قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا, مەرەكە كۇندەرى حالىققا مەديتسينالىق كومەكتى كەزەكشى دارىگەرلەر كورسەتەتىن بولادى. «فيلتر-كابينەتتەر, ءموبيلدى بريگادالار ۇزدىكسىز جۇمىس ىستەيدى. ولار امبۋلاتورلىق پاتسيەنتتەردىڭ ۇيىنە بارادى. پتر ادىسىمەن تەستىلەۋدى وتكىزۋ جالعاسادى» دەدى ول.
پاتسيەنتتەردى قابىلداۋ 1-4 قاڭتار جانە 7 قاڭتار كۇندەرى ساعات 8:00-دەن 18:00-گە دەيىن جۇزەگە اسىرىلادى. جالپى پراكتيكا دارىگەرلەرى عانا كەزەكشىلىكتە بولادى. كەزەكشىلىك ەتەتىن دارىگەرلەر كەستە بويىنشا تاڭعى 8-دەن كەشكى 8-گە دەيىن جۇمىس ىستەيدى. امبۋلاتورلىق ناۋقاستارعا 8:00-دەن 16:00-گە دەيىن قىزمەت كورسەتىلەدى.
قالالىق ستاتسيونارلار ازاماتتاردى تاۋلىك بويى قابىلدايدى. جەدەل جانە كونسۋلتاتسيالىق كومەك كورسەتۋ ءۇشىن ستاتسيونارلىق كومەكتى جوعارى بىلىكتى ماماندار ۇسىنادى. وتىنىشتەر مەن قالا تۇرعىندارىنىڭ شاقىرۋىنا ديسپەتچەرلەر مەن جەدەل جاردەم بريگادالارى قىزمەت كورسەتەدى.
