جەڭىس كۇنىنە وراي ارداگەرلەرگە ارنالعان جىلجىمالى كونتسەرت ۇيىمداستىرىلدى, دەپ حابارلايدى astana-akshamy.kz
استانادا ۇلى جەڭىستىڭ 79 جىلدىعى اتاپ ءوتىلىپ جاتىر. ءىس-شارا اياسىندا ە.راحماديەۆ اتىنداعى مەملەكەتتىك اكادەميالىق فيلارمونيانىڭ ۇرمەلى وركەسترى مەن «استانا جاستارى» كمم جاستارى Red bus ەكسكۋرسيالىق ەكى قاباتتى اۆتوبۋسپەن ۇلى وتان سوعىسىنىڭ ارداگەرلەرى تۇراتىن مەكەنجايلارعا باردى.
ارداگەرلەردىڭ ءۇيىنىڭ الدىندا وركەستر سالتاناتتى مۋزىكالىق قۇتتىقتاۋمەن اسكەري-پاتريوتتىق اندەردى ورىندادى.
«بۇگىن ءبىز ارداگەرلەرىمىزدى ەرەكشە فورماتتا قۇتتىقتاۋ تۋرالى شەشىم قابىلدادىق. ولار تۇراتىن اۋلالاردا وركەستردىڭ قويىلىمى ۇيىمداستىرىلىپ, سوعىس جىلدارىنداعى اندەر شىرقالدى. بۇل اكتسيانى جاستارىمىز قولدادى. مۇنداي ءىس-شارالار وسكەلەڭ ۇرپاقتى تاريح پەن مادەنيەتكە باۋليدى», – دەدى استانا قالاسىنىڭ جاستار ساياساتى ماسەلەلەرى باسقارماسىنىڭ ءبولىم باسشىسى اتىمتاي باعدات.
ءىس-شارا بارىسىندا بارلىعىنا تانىس جانە جۇرەكتەن ورىن العان «دەن پوبەدى», «سمۋگليانكا», «نام نۋجنا ودنا پوبەدا», «كاتيۋشا» جانە ت.ب. كومپوزيتسيالار ورىندالدى.
ءىس-شارا ۇوس ارداگەرلەرى تۇراتىن ۇيلەردىڭ تۇرعىندارىن دا قىزىقتىردى. كورشىلەردىڭ ءبىرى اۋلاعا شىعىپ, قۇتتىقتاۋلارعا قوسىلدى, ال ەندى ءبىرى تەرەزەدەن سمارتفوندارىنا ءتۇسىرىپ جاتتى.
«ءبىر كەزدەرى ءبىزدى قورعاعان جانداردى قۇتتىقتاۋ وتە جاقسى ءىس. ءبىز ولاردىڭ ەرلىكتەرىن ەشقاشان ۇمىتپايمىز. ءبىز جاستارمىز, مۇنداي ءىس-شارالارعا قاتىسۋ – ءبىز ءۇشىن ۇلكەن ماقتانىش», – دەدى استانا جاستارى ۆولونتەرى.
ەستەرىڭىزگە سالا كەتەيىك, استانا اكىمدىگىنىڭ شەشىمى بويىنشا ۇلى وتان سوعىسىنداعى جەڭىستىڭ 79 جىلدىعىنا وراي ۇوس ارداگەرلەرىنە تولەنەتىن سوما ەكى ەسەگە ۇلعايدى.وسىلايشا, ۇوس ارداگەرلەرىنە 2 ميلليون تەڭگە بەرىلدى. بۇگىنگى تاڭدا ەلوردادا ۇوس-تىڭ جەتى ارداگەرى تۇرادى.
