20 ناۋرىز – ۇلتتىق سپورت كۇنىنە وراي ەركەعالي راحماديەۆ اتىنداعى مەملەكەتتىك اكادەميالىق فيلارمونياسىندا مادەنيەت قىزمەتكەرلەرى اراسىندا قازاق حالقىنىڭ ۇلتتىق ويىندارىنىڭ ءبىرى – توعىزقۇمالاقتان جارىس ءوتتى.
14 ناۋرىزدان باستالعان ناۋرىز تويى ءالى جالعاسىپ جاتىر. بۇگىنگى «ۇلتتىق سپورت كۇنىنە» وراي مادەنيەت سالاسىنىڭ قىزمەتكەرلەرى اراسىندا حالقىمىزدىڭ اقىل-ويدى دامىتاتىن ۇلتتىق ويىنى توعىزقۇمالاقتان جارىس ۇيىمداستىرىلدى. بۇل دا – ۇلتتىق قۇندىلىقتارىمىزدى ۇلىقتاۋدىڭ ءبىر كورىنىسى. جارىسقا قاتىسقان ويىنشىلارعا تابىس تىلەيمىن, – دەدى جارىستىڭ اشىلۋ سالتاناتىندا ءسوز سويلەگەن استانا قالاسى مادەنيەت باسقارماسىنىڭ باسشىسى جاڭاباي مەيىرمانقۇلوۆ.
«ۇلتتىق سپورت – ۇلتىمىزدىڭ ماقتانىشى جانە ۇلتتىق برەندى» اتتى ۇرانىمەن دوستىق قارىم-قاتىناستى نىعايتۋ جانە مادەني مەكەمەلەر اراسىندا ۇلتتىق سپورتتى دامىتۋ ماقساتىندا ۇيىمداستىرىلعان جارىسقا استاناداعى مەكەمەلەردەن 10-نان اسا ويىنشى باق سىنادى. جارىس سوڭىندا جەڭىمپازدارعا 1, 2, 3-ورىن بويىنشا ارنايى جۇلدەلەر بەرىلدى.
