استانادا 8 ناۋرىز – حالىقارالىق ايەلدەر كۇنىنە وراي 7 مىڭ 700 ادامعا ماتەريالدىق كومەك كورسەتىلەدى. وسىعان وراي, جەرگىلىكتى قازىنا ەسەبىنەن 23 ميلليوننان استام تەڭگە بولىنبەك. بۇل تۋرالى astana.kz سايتىنا قالالىق جۇمىسپەن قامتۋ جانە الەۋمەتتىك باعدارلامالار باسقارماسىنان حابارلادى.
بىرنەشە جىلدان بەرى جەرگىلىكتى بيۋدجەت قارجىسى ەسەبىنەن 8 ناۋرىز مەرەكەسىنە وراي «التىن القا» جانە «كۇمىس القا» مەدالىمەن ماراپاتتالعان, كامەلەتكە تولماعان 4 جانە ودان ارتىق بىرگە تۇراتىن بالاسى بار كوپ بالالى انالارعا, تۇراقتى قىزمەت ەتەتىن ارداگەرلەر كەڭەسى كوميسسياسىنىڭ مۇشەلەرىنە ءبىر رەتتىك ماتەريالدىق كومەك كورسەتىلەدى. بارلىعى 7 مىڭ 700 ادامدى قامتۋ جوسپارلانىپ وتىر.
«قر مەملەكەتتىك ناگرادالارى تۋرالى» قر زاڭىنا سايكەس «كۇمىس القا» مەدالى التى بالانى دۇنيەگە اكەلىپ, التىنشى بالا ءبىر جاسقا تولعان سوڭ جانە باسقا بالالار ءتىرى بولسا بەرىلەدى. ال جەتى جانە ودان كوپ بالاسى بار انالار سوڭعى بالا ءبىر جاسقا تولعاننان كەيىن «التىن القا» مەدالىمەن ماراپاتتالادى.
