«جاستار» سارايىندا حالىقارالىق قارتتار كۇنىنە ارنالعان مادەني شارا ءوتتى.ونى تاماشالاۋعا ارداگەرلەر مەن زەينەتكەرلەر, قالا تۇرعىندارى مەن قوناقتارى كەلدى. كونتسەرتتىڭ اشىلۋ سالتاناتىندا ءسوز سويلەگەن مادەنيەت باسقارماسى باسشىسىنىڭ ورىنباسارى سامات تەرگەمباەۆ اعا بۋىن وكىلدەرى قوعامنىڭ رۋحاني وزەگى ءارى تىرەگى ەكەنىن ايتتى.
– قارتتار – تىرەگىمىز. سوندىقتان جالعىز باستى قاريالاردى مەملەكەتتىك ورگاندار قامقورلىققا الادى. ماسەلەن, وسى ايدىڭ ىشىندە ەلوردادا كوپتەگەن قايىرىمدىلىق اكتسيالارى مەن ءىس-شارالار ۇيىمداستىرىلدى. بارلىق قاريالارعا قامقورلىق كورسەتىلىپ, قوعام نازار اۋداردى. مەن بارلىق ارداگەرلەر مەن قاريالاردى بۇگىنگى مەرەكەمەن قۇتتىقتايمىن, – دەدى ول.
كونتسەرتتە «ۆەتەران» حالىق حورى, مەملەكەتتىك فيلارمونيانىڭ ارتىستەرى, ەلوردالىق ءان-بي انسامبلدەرى مەن قر ءىىم ىشكى اسكەرلەردىڭ ۇرمەلى اسپاپتار وركەسترى ونەر كورسەتتى.
گۇلميرا شارحانقىزى
