بۇگىن ەلورداداعى №34 جانە №84 مەكتەپتەردە ساعات 10.00-13.00 ارالىعىندا مۇعالىمدەرگە ارنالعان بوس ورىندار جارمەڭكەسى وتەدى, دەپ حابارلايدى اكىمدىكتىڭ رەسمي سايتى.
سونداي-اق, وسى كۇنى قالاداعى بارلىق مەملەكەتتىك مەكتەپتەر مەن بالاباقشالاردا اشىق ەسىك كۇنى وتەدى. بۇل شارا جاس ماماندارعا ۇلكەن قولداۋ بولماق. ويتكەنى جوعارى وقۋ ورىندارىن بىتىرگەن جاستار قولعا ديپلوم تيگەننەن كەيىن جۇمىس ىزدەپ جانى شىعادى. ءوز ماماندىعىمەن قىزمەت ىستەيمىن دەپ جان-جاققا جۇگىرەدى. اتا-انالاردىڭ دا ۋايىمى كۇشەيەدى. قىسقاسى, جۇمىسقا ورنالاسۋ دا – ءبىر ناۋقان. ال بۇگىنگى ءوتىپ وتىرعان يگىلىكتى ءىس كىم-كىمگە دە كەڭ جول اشپاق. جارمەڭكەگە جوعارى وقۋ ورىندارىنىڭ تۇلەكتەرى مەن ەلىمىزدىڭ باسقا وڭىرلەرىنەن پەداگوگتار كەلەدى دەپ كۇتىلۋدە.
