سارىارقا اۋدانىنىڭ اكىمى ەسەت بايكەن س.سەيفۋللين مۋزەيىن ارالاپ, تۇلعانىڭ ءومىرى مەن شىعارماشىلىعىمەن, سونداعى جادىگەرلەرمەن جاقىنىراق تانىستى. مادەني وشاق ۇجىمىمەن تاۋەلسىزدىكتىڭ 30 جىلدىعىنا وراي وتەتىن شارالار جوسپارى مەن مۋزەي جۇمىسىن تالقىلادى.
[smartslider3 slider=407]
مۋزەي ديرەكتورى, بەلگىلى اقىن, مەملەكەتتىك سىيلىقتىڭ لاۋرەاتى نەسىپبەك ايتۇلى 2015 جىلدان باستاپ ساكەن اقىننىڭ تۇلعاسىنا قاتىستى كىتاپ شىعارىلاتىنىن ايتا كەلىپ, بيىل «سىرساندىق» اتتى سەريانىڭ 7-باسىلىمى جارىق كورگەنىن جەتكىزدى. كىتاپتىڭ ءبىرىنشى تومى «ساكەندى كورگەندەردىڭ كوزىمەن» جانە «ساكەننىڭ سالعان ىزىمەن» دەگەن ەكى بولىمنەن تۇراتىن ەستەلىكتەر ەكەنىن ايتتى. وسىلايشا جىلىنا ءبىر كىتاپتان شىعارىلادى.
