ەلوردانىڭ تۋعان كۇنىنە وراي ەكسپو اۋماعىنداعى الاڭدا Spirit of Eurasia حالىقارالىق زاماناۋي ەتنيكالىق مۋزىكا فەستيۆالى ءوتتى.
«Spirit of Eurasia استانادا وسىمەن ءۇشىنشى رەت ۇيىمداستىرىلىپ وتىر. بايقاۋدا 14 ەلدىڭ ارتىستەرى ونەر كورسەتتى. ونىڭ ىشىندە قازاقستاننان باسقا, لاتۆيا, يسپانيا, وڭتۇستىك كورەيا, فرانتسيا, ماجارستان, تۇركيا, زيمبابۆە سەكىلدى مەملەكەتتەر بار» دەيدى شارا ۇيىمداستىرۋشىلارىنىڭ ءبىرى اسەمگۇل وسپانوۆا.
بيىلعى فەستيۆال ساحناسىنا شىققان ەرەكشە جوبالاردىڭ ءبىرى Aldaspan توبى بولدى. ەلەكترلى دومبىرالاردا وينايتىن ەرەكشە توپتى نۇرجان تويشى قۇرعان. ال تالانتتى يمپروۆيزاتور لايما يانسونە مەن ديدجەي Monsta قۇرعان ZeMe اتتى دۋەت كوپشىلىككە ىشەكتى كوكلە اسپابىنىڭ ءۇنى مەن ديدجەيدىڭ قۋاتتى سكرەتچينگىمەن ۇندەسكەن ەرەكشە اۋەندى ۇسىندى. سونداي-اق كونتسەرت بارىسىندا ساxناعا شىققان بۋرياتيالىق Shono, يسپان-موزامبيك ونەرپازدارىنان قۇرالعان Childo, وڭتۇستىككورەيالىق Ak Dan Gwang Chill توپتارى دا كورەرمەننىڭ ىقىلاسىنا بولەندى.
