استانادا ەرتەڭ كوكتەمنىڭ شۋاقتى مەرەكەسى ناۋرىز مەيرامىن تويلاۋعا ارنالعان حالىقتىق سەرۋەندەر باستالادى. اشىق الاڭدارداعى جالپىقالالىق مەرەكەلىك شارالار 25 ناۋرىزعا دەيىن جالعاسادى.
ناۋرىز مەيرامىنا ارنالعان باعدارلاما اياسىندا ەلوردا تۇرعىندارى مەن قوناقتارى ەكسپو كورمە كەشەنىنىڭ اۋماعىندا بىرەگەي ەتنواۋىل مەن تاقىرىپتىق كيىز ءۇي-مۋزەيلەردى تاماشالاي الادى. «قازاق ەلى» مونۋمەنتى الدىنداعى الاڭدا «دالا قازىعى» تاريحي ورتاعاسىرلىق جەكپە-جەكتەر ءتۋرنيرى ۇيىمداستىرىلادى. سونداي-اق, ەلىمىزدىڭ ەسترادا جۇلدىزدارى مەن جەتەكشى شىعارماشىلىق ۇجىمداردىڭ قاتىسۋىمەن تەاترلاندىرىلعان قويىلىمدار مەن كونتسەرتتەر بولادى. مەرەكە اياسىندا قالا تۇرعىندارى مەن قوناقتارىنا مىڭ ليتر ناۋرىز كوجە دە ۇسىنىلماق.
