«رۋحاني جاڭعىرۋ» باعدارلاماسى اياسىندا استانادا الەۋمەتتىك جاعىنان از قامتىلعان وتباسىلاردى قولداۋعا باعىتتالعان «قايىرىمدىلىق» جوباسى جۇزەگە اسىرىلۋدا.
«كوكتال» امبەباپ بازارى اۋماعىندا تۇرمىسى تومەن وتباسىلارعا ارنالعان ساۋدا ورنى اشىلدى. ەرەكشەلىگى: وندا تاۋاردىڭ باعاسى كورسەتىلمەگەن. بارلىعى – تەگىن. ايتا كەتۋ كەرەك, الەۋمەتتىك جوبانىڭ باستاماشىسى – «استانا-
قامقور» جشس-ءتىڭ ديرەكتورى تيمۋر ورازاقوۆ. ارنايى بۋتيككە اركىم ءوز قالاۋىنشا كيىم-كەشەك پەن اياق كيىمدەردى, ويىنشىقتار مەن كىتاپتاردى اكەلىپ وتكىزۋلەرىنە بولادى.
بۇدان بولەك, «رۋحاني جاڭعىرۋ» باعدارلاماسىنىڭ شەڭبەرىندە استانادا كومەككە مۇقتاج ازاماتتاردى تەگىن ازىق-تۇلىكپەن قامتاماسىز ەتۋ ماقساتىندا قايىرىمدىلىق شارا وتكىزىلۋدە. ءار اپتا سايىن ۇيىمداستىرۋشىلار «شاپاعات» كوممۋنالدى بازارىندا, جەڭىس داڭعىلى, 55, ءى.ەسەنبەرلين كوشەسى, 2\1, ع.مۇستافين كوشەسى, 13 مەكەنجايلارىندا ورنالاسقان «5 مينۋت» سۋپەرماركەتتەر جەلىسىنىڭ ءۇش دۇكەنىندە 120-200 بولكە ناندى تەگىن تاراتادى.
«اقشام-اقپارات»
