- قارتتار كۇنى استانانىڭ بارلىق ەمحاناسىندا اشىق ەسىك كۇندەرى ءوتتى. وندا قاريالار تەراپەۆت, كارديولوگ, ەندوكرينولوگ, نەۆروپاتولوگ, پسيحولوگ ماماندارعا تەگىن قارالىپ, الەۋمەتتىك قىزمەتشىلەردەن كەڭەستەر الدى.
- ەلوردادا بالالار اراسىنداعى توپتىق جاتتىعۋلار بويىنشا كوركەم گيمناستيكادان قالانىڭ اشىق بىرىنشىلىگى ۇيىمداستىرىلدى.
- ەلوردانىڭ الماتى, سارىارقا جانە ەسىل اۋداندارىندا ءاسكەرگە شاقىرىلۋشىلار مەديتسينالىق كوميسسيادان وتۋدە. مۇندا قازىر بولاشاق جاۋىنگەرلەرگە اسكەري-پاتريوتتىق تاربيە بەرۋ ماقساتىندا ءتۇرلى ءىس-شارالار ۇيىمداستىرىلۋدا.
- «AstanaPianoPassion» حالىقارالىق كلاسسيكالىق مۋزىكا فەستيۆالىنىڭ ۇيىمداستىرۋشىلارى جەڭىمپازدارعا ارنالعان ماراپات مۇسىنشەسىنىڭ نۇسقاسىن جاساۋعا, سونىمەن قاتار, «AstanaPianoPassion» جاس پيانيستتەر بايقاۋىنا ارنالعان ساحنانى ساندەۋ ۇلگىسىنە اشىق شىعارماشىلىق بايقاۋ جاريالادى.
جەڭىمپازعا قوماقتى اقشالاي سىيلىق بار.
- قازاقستاننىڭ باس پروكۋراتۋراسى ەڭبەك داۋلارىن ۋشىقتىرعانى ءۇشىن ءۇش جىلعا دەيىن باس بوستاندىعىنان ايىرۋ جازاسىن قولدانۋدى كوزدەۋدە.
