تەڭىز دەڭگەيىنەن تومەن ورنالاسقان نيدەرلاندتىڭ دامۋ تاريحىنا زەر سالساق, سۋ تاسقىنىنا ءجيى ۇشىراعان. يننوۆاتسيالىق جوبالاردىڭ تۋىنداۋىنا كليمات جاعدايلارى, اتاپ ايتقاندا, سۋ اپاتى تۇرتكى بولعان ەكەن.
كورمە كەزىندە ءوز پاۆيلوندارىن ويىن-ساۋىق تۇرىندەگى ينتەراكتيۆتىك تاسىلدەرمەن كورسەتىپ, بىرلەسە جۇمىس جاساۋ ارقىلى قازىردىڭ وزىندە الەمدى وزگەرتۋگە بولاتىندىعىن جەتكىزەدى.
نيدەرلاند پاۆيلونى قاراپايىمدىلىعىمەن ەرەكشەلەنەدى. گوللانديالىقتاردىڭ ءومىر سالتى مەن دۇنيەتانىمىن ءبىر تۇسپەن عانا ايگىلەپ تۇر.
– يننوۆاتسيالىق پاۆيلون جاساقتاۋدى كوزدەگەن جوقپىز. ونىڭ يدەياسى – قاراپايىمدىلىعىندا. ويتكەنى ءبىزدىڭ ەل قاراپايىم ءارى ءتيىمدى شەشىمدەردى جاقسى كورەدى. ءبىرىنشى كەزەكتە ءار ادامنىڭ جاسامپازدىعىنا نازارا اۋدارىلادى. ال قورشاعان ورتاعا جايلى اسەر ەتەتىن بولاشاق ەنەرگياسى جاسامپاز شەشىمدەردى قاجەت ەتەدى, – دەيدى پاۆيلون جەتەكشىسى ەۆەلين بەلل. ونىڭ ايتۋىنشا, نيدەرلاند – گەوگرافيالىق ورتادا ەڭ جايسىز ورنالاسقان ەل. يننوۆاتسيالاردىڭ ارقاسىندا وسى «كەمشىلىگىن» پايداعا جاراتىپ كەلەدى. كورولدىك جىل سايىن الەمدەگى ەڭ يننوۆاتسيالىق ەلدەردىڭ قاتارىنا ەنىپ وتىر.
ينتەراكتيۆتىك پاۆيلوندا بالامالى ەنەرگيا كوزدەرىن قولدانۋ اياسىنداعى وزىق جوبالارمەن تانىستىرادى.
نيدەرلاند وندىرەتىن ەنەرگيانىڭ 4,5 پايىزىن جەلدەن الادى ەكەن. مىسالى, 48 تۋربينادان تۇراتىن, ساعاتىنا 500كۆ ەنەرگيانى وندىرەتىن جەل ستانساسىنىڭ ءوزى 160 مىڭ ءۇيدى جانە ءاربىر ءۇشىنشى پويىزدى ەنەرگيامەن قامتاماسىز ەتۋگە قاۋقارلى. سونىمەن قاتار, پاۆيلوندا يننوۆاتسيالىق باعدارلامالار تۋرالى اقپارات بەرىلگەن.
گۇلميرا ايماعانبەت
